സിബിഎസ്ഇ പ്ലസ്ടു ഫലം പ്രസിദ്ധീകരിച്ചു: വിജയശതമാനം 82.50%; മുന്നില്‍ തിരുവനന്തപുരം മേഖല

ന്യൂഡല്‍ഹി: ഈ വര്‍ഷത്തെ സിബിഎസ്ഇ പ്ലസ്ടു പരീക്ഷാഫലം പ്രസിദ്ധീകരിച്ചു. ഔദ്യോഗിക വെബ്‌സൈറ്റുകളായ cbse.gov.in, results.cbse.nic.in, cbseresults.nic.in, digilocker.gov.in എന്നിവ വഴി വിദ്യാര്‍ത്ഥികള്‍ക്ക് ഫലം പരിശോധിക്കാം. UMANG ആപ്ലിക്കേഷനിലൂടെയും ഫലം ലഭ്യമാണ്.

ഇക്കുറി ആകെ വിജയശതമാനം 82.50 ആയി രേഖപ്പെടുത്തി. മേഖലകളില്‍ തിരുവനന്തപുരം മുന്നിലെത്തി. എന്നാല്‍ കഴിഞ്ഞ വര്‍ഷത്തേക്കാള്‍ വിജയശതമാനത്തില്‍ ഇടിവുണ്ടായി. വിജയത്തില്‍ പെണ്‍കുട്ടികള്‍ തന്നെയാണ് മുന്‍തൂക്കം നേടിയിരിക്കുന്നത്. 88.86 ശതമാനമാണ് പെണ്‍കുട്ടികളുടെ വിജയനിരക്ക്.

ഫെബ്രുവരി 17 മുതല്‍ ഏപ്രില്‍ 10 വരെ നടന്ന പരീക്ഷയില്‍ 18,59,551 വിദ്യാര്‍ത്ഥികളാണ് പങ്കെടുത്തത്. കഴിഞ്ഞ വര്‍ഷം മെയ് 13നായിരുന്നു ഫലം പ്രഖ്യാപിച്ചത്.

വിദ്യാര്‍ത്ഥികള്‍ക്ക് ഫലം പരിശോധിക്കാന്‍ റോള്‍ നമ്പര്‍, സ്‌കൂള്‍ നമ്പര്‍, ജനനത്തീയതി, അഡ്മിറ്റ് കാര്‍ഡ് ഐഡി എന്നിവ നല്‍കണം.

കഴിഞ്ഞ വര്‍ഷം സിബിഎസ്ഇ പ്ലസ്ടു പരീക്ഷയില്‍ 88.39 ശതമാനമായിരുന്നു ആകെ വിജയം. അന്ന് പെണ്‍കുട്ടികള്‍ 91.64 ശതമാനം വിജയിച്ചപ്പോള്‍, ആണ്‍കുട്ടികളുടെ വിജയം 85.70 ശതമാനമായിരുന്നു. മേഖലകളില്‍ വിജയവാഡ (99.60%), തിരുവനന്തപുരം (99.32%), ചെന്നൈ (97.39%) എന്നിവയാണ് മുന്‍നിരയില്‍ ഉണ്ടായിരുന്നത്.