ഐഫോണ്‍ പ്രേമികള്‍ക്ക് സന്തോഷ വാര്‍ത്ത; ഏറ്റവും പുതിയ മോഡല്‍ ഐഫോണ്‍ 16 സീരീസ് സെപ്റ്റംബര്‍ ഒന്‍പതിന് പുറത്തിറങ്ങും

കൊച്ചി: യുവാക്കളെന്നോ മുതിര്‍ന്നവരെന്നോ പണമുള്ളവരെന്നോ ഇല്ലാത്തവരെന്നോ വേര്‍തിരിവില്ലാതെ ആളുകള്‍ കുലീനതയുടെ പ്രതികമായി കൊണ്ടു നടക്കുന്ന ഐ ഫോണിന്റെ ഏറ്റവും പുതിയ അപ്‌ഡേറ്റ് വരുന്നു. പുതിയ ഫീച്ചറുകളും പുതിയ അപ്‌ഡേഷനുകളുമായി ഐഫോണ്‍ 16 സീരീസ് സെപ്റ്റംബര്‍ ഒന്‍പതിന് ഇന്ത്യയില്‍ ലോഞ്ച് ചെയ്യും.

ആപ്പിളിന്റെ ഔദ്യോഗിക പ്രഖ്യാപനത്തില്‍ ഒരു നിഗൂഢ സന്ദേശമുള്ള ആപ്പിള്‍ ലോഗോയും ഉള്‍പ്പെടുന്നുണ്ട്. ഇത് ഗ്ലോടൈം എന്ന തലക്കെട്ടോടെയാണ് ആപ്പിള്‍ പോസ്റ്റ് ചെയ്തത്. ഇതിന്റെ അര്‍ത്ഥമെന്താണെന്ന കാര്യത്തില്‍ ആര്‍ക്കും വ്യക്തതയില്ല. വരും ദിവസങ്ങളിലും ഐഫോണ്‍ 16 ലോഞ്ച് ഇവന്റിന് മുമ്പ് ഇതില്‍ വ്യക്തത ലഭിക്കുമെന്ന് പ്രതീക്ഷിക്കുന്നു.

പൂര്‍ണമായ ഐഫോണ്‍ 16 സീരീസ് ലോഞ്ച് ഇവന്റ് കാണാന്‍ താല്‍പ്പര്യമുള്ളവര്‍ക്ക് അത് ഓണ്‍ലൈനില്‍ തത്സമയ സ്ട്രീം ചെയ്യാന്‍ കഴിയും. ഇന്ത്യയില്‍ ഐഫോണ്‍ 16 ഇവന്റ് എല്ലാ വര്‍ഷത്തേയും പോലെ രാത്രി 10.30 ന് ആരംഭിക്കും. ഇവന്റ് ആപ്പിളിന്റെ ഔദ്യോഗിക യൂട്യൂബ് ചാനല്‍ വഴി തത്സമയ സംപ്രേക്ഷണം ചെയ്യാന്‍ സാധ്യതയുണ്ട്.