സര്‍ക്കാര്‍ നിലപാടുകളില്‍ പ്രതിഷേധം; കോണ്‍ഗ്രസ് സ്ഥാനാര്‍ത്ഥിയായ ആശ പ്രവര്‍ത്തകയെ സിപിഐഎം പുറത്താക്കി

കോട്ടയം: പാര്‍ട്ടി മാറി സ്ഥാനാര്‍ത്ഥിയായതിനെ തുടര്‍ന്ന് കോട്ടയം കുറവിലങ്ങാട്ടെ ആശാ പ്രവര്‍ത്തക സിന്ധു രവീന്ദ്രനെ സിപിഐഎം പുറത്താക്കി. സര്‍ക്കാര്‍ നിലപാടില്‍ പ്രതിഷേധിച്ച് യുഡിഎഫ് പിന്തുണയോടെ സ്വതന്ത്ര സ്ഥാനാര്‍ത്ഥിയായി മത്സരിക്കാനാണ് അവര്‍ തീരുമാനിച്ചത്. ഇതിനെ തുടര്‍ന്നാണ് പാര്‍ട്ടി നടപടി.

ആശാ സമരത്തില്‍ സജീവമായി പങ്കെടുത്ത സിന്ധുവിന്റെ നിലപാട് പാര്‍ട്ടി അംഗീകരിച്ചില്ലെന്നാണ് റിപ്പോര്‍ട്ടുകള്‍. സിന്ധുവിനൊപ്പം പ്രവര്‍ത്തിച്ച ഭര്‍ത്താവ് രവീന്ദ്രനെയും സിപിഐഎം പുറത്താക്കി. 

കുറവിലങ്ങാട് പഞ്ചായത്ത് 13ാം വാര്‍ഡ് പള്ളിയമ്പ് സ്വദേശിനിയായ സിന്ധു, സിപിഐഎം പള്ളിയമ്പ് ബ്രാഞ്ച് സെക്രട്ടറി എം. ഇ. രവീന്ദ്രന്റെ ഭാര്യയുമാണ്. ആശാ സമരത്തില്‍ സര്‍ക്കാരിന്റെ അവഗണനയാണ് തന്റെ രാഷ്ട്രീയ നിലപാട് മാറ്റാന്‍ കാരണമെന്നും സിന്ധു വ്യക്തമാക്കി. യുഡിഎഫിന്റെ പൂര്‍ണ്ണ പിന്തുണയോടെയാണ് മത്സരിക്കുന്നത്,- സിന്ധു രവീന്ദ്രന്‍ പറഞ്ഞു.