ബിഹാര്‍ തിരിച്ചടിക്കിടെ രാജസ്ഥാനില്‍ കോണ്‍ഗ്രസിന് ആശ്വാസം

ജയ്പൂര്‍: ബിഹാര്‍ നിയമസഭാ തെരഞ്ഞെടുപ്പില്‍ കനത്ത തിരിച്ചടി നേരിടുന്ന സാഹചര്യത്തില്‍ രാജസ്ഥാനിലെ ഉപതെരഞ്ഞെടുപ്പില്‍ നിന്നും കോണ്‍ഗ്രസിന് ആശ്വാസസന്ദേശം. ആന്ത് മണ്ഡലത്തില്‍ കോണ്‍ഗ്രസ് സ്ഥാനാര്‍ത്ഥി പ്രമോദ് ജെയിന് ശക്തമായ ലീഡ്. വോട്ടെണ്ണല്‍ 11 റൗണ്ട് പിന്നിടുമ്പോള്‍ 7,000-ത്തിലധികം വോട്ടിന്റെ ലീഡാണ് ജെയിന് നേടിക്കൊണ്ടിരിക്കുന്നത്.

ബിജെപി ഈ മണ്ഡലത്തില്‍ മൂന്നാം സ്ഥാനത്തേക്ക് പിന്തള്ളപ്പെട്ടിരിക്കുകയാണ്. സ്വതന്ത്ര സ്ഥാനാര്‍ത്ഥി നരേഷ് മീണ  രണ്ടാമത് നില്‍ക്കുമ്പോള്‍ ബിജെപിയുടെ മോഫ്പാല്‍ സൂമാന്‍ മൂന്നാം സ്ഥാനം പിടിച്ചിരിക്കുകയാണ്.

ബിജെപി എംഎല്‍എ കുറ്റകൃത്യ കേസില്‍ ശിക്ഷിക്കപ്പെട്ടതിനെ തുടര്‍ന്നാണ് ആന്ത് മണ്ഡലത്തില്‍ ഉപതെരഞ്ഞെടുപ്പ് നടത്തിയത്. 2005ല്‍ നടന്ന സര്‍പഞ്ച് തിരഞ്ഞെടുപ്പുമായി ബന്ധപ്പെട്ട സംഭവത്തിലാണ് അയോഗ്യതക്ക് കാരണമായ കേസ്. അന്നത്തെ സബ് ഡിവിഷണല്‍ ഓഫീസറെ തോക്കു ചൂണ്ടി ഭീഷണിപ്പെടുത്തിയെന്നായിരുന്നു നരേഷ് മീണക്കെതിരായ ഗുരുതര ആരോപണം.