വാതിലിൽ മുട്ടിയവരിൽ മൈക്കൽ ജാക്സനും: ആ രാത്രിയിലെ അനുഭവം വെളിപ്പെടുത്തി താരം: സംഭവം ന്യൂയോർക്കിലെ ഒരു ഹോട്ടലിൽ

ന്യൂഡൽഹി: വാതിൽമുട്ടൽ വെളിപ്പെടുത്തലുകളാണ് ഇപ്പോൾ സിനിമയിൽ ട്രെൻഡ്. അത്തരത്തിൽ ഒരു വെളിപ്പെടുത്തൽ നടത്തിയിരിക്കുകയാണ് ഇന്ത്യൻ സിനിമയിലെ സൂപ്പർ താരം. ആരാണെന്നല്ലേ, നമ്മുടെ സ്വന്തം ബിഗ്‌ബി, അമിതാഭ് ബച്ചൻ. പറഞ്ഞതാകട്ടെ പോപ്പ് കിങ് സാക്ഷാൽ മൈക്കൽ ജാക്സണെ കുറിച്ച്. 

ന്യൂയോർക്കിലെ ഒരു ഹോട്ടലിൽ താമസിക്കുമ്പോൾ ഇതിഹാസം മൈക്കൽ ജാക്സണെ ആദ്യമായി നേരിൽ കണ്ട അനുഭവമാണ് അമിതാഭ് ബച്ചൻ പങ്കുവച്ചത്.

ബിഗ് ബി അവതരിപ്പിക്കുന്ന കോൻ ബനേഗാ ക്രോർപ്പതിയുടെ ഭാഗമായി വർഷങ്ങൾക്കു മുൻപ് ന്യൂയോർക്കിലെ ഒരു ഹോട്ടലിൽ താമസിക്കുമ്പോൾ ആയിരുന്നു സംഭവം. തന്റെ മുറിയുടെ വാതിലിൽ ആരോ മുട്ടുന്നത് കണ്ടു കതക് തുറന്നപ്പോൾ മുറിക്ക് പുറത്ത് സാക്ഷാൽ മൈക്കൽ ജാക്സണ്. ആദ്യ കഴ്ച്ചയിൽ തന്നെ താൻ ഞെട്ടിപ്പോയി. 

അബദ്ധത്തിൽ മുറിയിൽ വന്ന് തട്ടിയതായിരുന്നു. അദ്ദേഹത്തിന് റൂം മാറി പോയതാണ്. വാതിൽ തുറന്ന് മൈക്കൽ ജാക്സണെ കണ്ടതും ആകെ ഞെട്ടിപ്പോയി. കുറച്ച് സമയം ബോധരഹിതനായ അവസ്ഥയിലായിരുന്നു. അദ്ദേഹം വിനയത്തോടെ മുറിയുടെ കാര്യം തിരക്കി. റൂം എന്റേതാണെന്ന് പറഞ്ഞപ്പോൾ അദ്ദേഹം അവിടെ നിന്ന് പോയി.

പിന്നീട് അദ്ദേഹം എന്നോട് സൗഹൃദ സംഭാഷണത്തിനായി എത്തി. ലോകം അറിയപ്പെടുന്ന ലോകം മുഴുവനും ആരാധകരുള്ള താരമാണെങ്കിലും മൈക്കിൾ ജാക്സൺ വളരെയധികം എളിമയും വിന‍യമുള്ള ആളായിരുന്നു വെന്നും ബച്ചൻ പറഞ്ഞു.

ന്യൂയോർക്കിൽ വച്ച് ജാക്സന്റെ ഒരു സംഗീത പരിപാടി കാണാൻ പോയതിനെപ്പറ്റിയും അമിതാഭ് പങ്കുവെച്ചു. വളരെ കഷ്ടപ്പെട്ടാണ് അവിടെ എത്തിയതെന്നും സ്റ്റേഡിയത്തിന്റെ ഏറ്റവും പിറകിലായാണ് ഇരിക്കാൻ സീറ്റ് കിട്ടിയതെന്നും അതൊരു അപൂർവമായ അനുഭവമായിരുന്നു എന്നും ബച്ചൻ പറഞ്ഞു.