News Kerala

നിതിന്‍ രാജ് മരണം: മുന്‍കൂര്‍ ജാമ്യത്തിനായി ഹൈക്കോടതിയെ സമീപിക്കാന്‍ ഡോ. എം.കെ. റാം

Axenews | നിതിന്‍ രാജ് മരണം: മുന്‍കൂര്‍ ജാമ്യത്തിനായി ഹൈക്കോടതിയെ സമീപിക്കാന്‍ ഡോ. എം.കെ. റാം

by webdesk3 on | 26-04-2026 01:07:31

Share: Share on WhatsApp Visits: 27


നിതിന്‍ രാജ് മരണം: മുന്‍കൂര്‍ ജാമ്യത്തിനായി ഹൈക്കോടതിയെ സമീപിക്കാന്‍ ഡോ. എം.കെ. റാം



കണ്ണൂര്‍ അഞ്ചരക്കണ്ടി ദന്തല്‍ കോളജിലെ ബിഡിഎസ് വിദ്യാര്‍ത്ഥി നിതിന്‍ രാജിന്റെ മരണവുമായി ബന്ധപ്പെട്ട കേസില്‍ ഒന്നാം പ്രതിയായ ഡോ. എം.കെ. റാം മുന്‍കൂര്‍ ജാമ്യത്തിനായി ഹൈക്കോടതിയെ സമീപിക്കാന്‍ ഒരുങ്ങുന്നു. റാമിന്റെ മുന്‍കൂര്‍ ജാമ്യാപേക്ഷ കഴിഞ്ഞ ദിവസം തലശ്ശേരി അഡീഷണല്‍ ജില്ലാ സെഷന്‍സ് കോടതി തള്ളിയിരുന്നു.

ഇതിന് പിന്നാലെയാണ് ഹൈക്കോടതിയില്‍ ജാമ്യാപേക്ഷ സമര്‍പ്പിക്കാന്‍ റാം തീരുമാനിച്ചത്. കേസില്‍ പ്രതികളായ അധ്യാപകരായ ഡോ. റാമും സംഗീത നമ്പ്യാരും കേസെടുത്തത് മുതല്‍ ഒളിവിലാണെന്ന് റിപ്പോര്‍ട്ടുകള്‍ പറയുന്നു.

അതേസമയം, സംഗീത നമ്പ്യാരുടെ മുന്‍കൂര്‍ ജാമ്യാപേക്ഷ പരിഗണിച്ച തലശ്ശേരി അഡീഷണല്‍ ജില്ലാ സെഷന്‍സ് കോടതി അവര്‍ക്ക് ജാമ്യം അനുവദിച്ചിരുന്നു. എന്നാല്‍ ഡോ. റാമിന്റെ അപേക്ഷ കോടതി തള്ളുകയായിരുന്നു.

മുന്‍കൂര്‍ ജാമ്യാപേക്ഷകളില്‍ കോടതി നടത്തിയ നിരീക്ഷണത്തില്‍, നിതിന്‍ രാജിനെതിരെ ജാതി അധിക്ഷേപമോ ജാതിയുടെ പേരില്‍ അപമാനമോ നടന്നതായി തെളിവുകളില്ലെന്ന് വ്യക്തമാക്കിയിട്ടുണ്ട്. വിദ്യാര്‍ത്ഥികളോടുള്ള ഡോ. റാമിന്റെ മോശം പെരുമാറ്റം ജാതിയെ അടിസ്ഥാനമാക്കിയതല്ലെന്നും കോടതി നിരീക്ഷിച്ചു.

ലോണ്‍ ആപ്പ് മുഖേന ഉണ്ടായ ഭീഷണികള്‍, പ്രിന്‍സിപ്പാളിന്റെ മുറിയില്‍ നടന്ന ചോദ്യം ചെയ്യല്‍, തുടര്‍ന്നുണ്ടായ പരാതിയെക്കുറിച്ചുള്ള ഭയം എന്നിവയാണ് നിതിന്‍ രാജിനെ ആത്മഹത്യയിലേക്ക് നയിച്ചതെന്നുമാണ് കോടതിയുടെ വിലയിരുത്തല്‍.


Share:

Search

Recent News
Popular News
Top Trending


Leave a Comment