ശബരിമല സ്വര്‍ണക്കൊളള: എ പത്മകുമാര്‍ ക്രിമിനല്‍ ഗൂഢാലോചന നടത്തിയെന്ന് കൊല്ലം വിജിലന്‍സ് കോടതി

ശബരിമല സ്വര്‍ണക്കൊള്ളയില്‍ തിരുവിതാംകൂര്‍ ദേവസ്വം ബോര്‍ഡ് മുന്‍ അധ്യക്ഷന്‍ എ പത്മകുമാര്‍ ഗൂഢാലോചന നടത്തിയെന്ന് കൊല്ലം വിജിലന്‍സ് കോടതി. വേലി തന്നെ വിളവ് തിന്നെന്നാണ് കോടതിയുടെ നിരീക്ഷണം. എ പത്മകുമാറിന്റെ ജാമ്യാപേക്ഷ തള്ളിയുള്ള ഉത്തരവിലാണ് നിരീക്ഷണം. 

പോറ്റിയും ഉദ്യോഗസ്ഥരും ചേര്‍ന്നാണ് ഗൂഢാലോചന നടത്തിയത്. 2018 മുതല്‍ പത്മകുമാറിന് പോറ്റിയുമായി ബന്ധമുണ്ട്. പത്മകുമാറിന്റെ അക്കൗണ്ടുകള്‍ മരവിപ്പിക്കുമെന്നും എസ്‌ഐടി കോടതിയില്‍ ആവശ്യപ്പെട്ടു. അതേസമയം കേസിലെ കള്ളപ്പണം വെളുപ്പിക്കലില്‍ ഇഡി ഇന്ന് കേസ് എടുക്കും . പിഎംഎല്‍എ നിയമപ്രകാരം കേസെടുക്കുന്നതോടെ പ്രതികളുടെ സ്വത്ത് കണ്ടുകെട്ടും. ഉണ്ണികൃഷ്ണന്‍ പോറ്റി,ഗോവര്‍ധന്‍, പങ്കജ് ഭണ്ഡാരി തുടങ്ങിയവരുടെ സാമ്പത്തിക ഇടപാടുകള്‍ ആകും ആദ്യഘട്ടത്തില്‍ പരിശോധന നടത്തുക.