പാലക്കാട് ബിജെപി മികച്ച വിജയം നേടും; പാര്‍ട്ടിയില്‍ വിഭാഗീയതയില്ലെന്ന് ശോഭ സുരേന്ദ്രന്‍

പാലക്കാട്: പാലക്കാട് നിയമസഭ മണ്ഡലത്തില്‍ ബിജെപി മികച്ച വിജയം നേടുമെന്ന് ബിജെപി നേതാവ് ശോഭ സുരേന്ദ്രന്‍. പാലക്കാട് തെരഞ്ഞെടുപ്പിന്റെ പ്രവര്‍ത്തനങ്ങള്‍ക്ക് നേതൃത്വം നല്‍കാന്‍ അഖിലേന്ത്യാ നേതൃത്വം തനിക്ക് ചുമതല നല്‍കിയതായി ശോഭ സുരേന്ദ്രന്‍ വ്യക്തമാക്കി. തെരഞ്ഞെടുപ്പിനെ ബിജെപി ഒറ്റക്കെട്ടായി നേരിടുമെന്നും പാര്‍ട്ടിയില്‍ വിഭാഗീയതയില്ലെന്നും അവര്‍ ് പറഞ്ഞു.

സംസ്ഥാനത്തെ വിവിധ മണ്ഡലങ്ങളില്‍ ബിജെപി ശക്തമായ മത്സരത്തിനൊരുങ്ങുന്നുവെന്ന സൂചനകളും പുറത്തുവരുന്നു. പാലക്കാട് മണ്ഡലത്തില്‍ ശോഭ സുരേന്ദ്രന്‍ തന്നെ മത്സരിക്കാനിടയുണ്ടെന്നാണ് സൂചന. വട്ടിയൂര്‍ക്കാവില്‍ ആര്‍ ശ്രീലേഖ, തൃശൂരില്‍ പത്മജ വേണുഗോപാല്‍, നേമത്ത് രാജീവ് ചന്ദ്രശേഖര്‍ എന്നിവരും മത്സരരംഗത്തുണ്ടാകുമെന്നാണ് റിപ്പോര്‍ട്ടുകള്‍.