ബിഹാറില്‍ മന്ത്രിമന്ദിരത്തിന് സമീപം വെടിവയ്പ്പ്; അന്വേഷണം പുരോഗമിക്കുന്നു

പട്ന: ബിഹാറിന്റെ തലസ്ഥാനമായ പട്നയിലെ വിഐപി മേഖലയില്‍ വെടിവയ്പ്പ്. മന്ത്രിമാരുടെ ഔദ്യോഗിക വസതികള്‍ക്കു സമീപം നടന്ന ഈ സംഭവത്തില്‍ യുവാവിനെ കൊള്ളയടിക്കാന്‍ ശ്രമിച്ച അജ്ഞാതര്‍ വെടിവെച്ചെങ്കിലും യുവാവ് അത്ഭുതകരമായി രക്ഷപ്പെട്ടു.

വികസിത മേഖലയായ 1 പോളോ റോഡിലെ എയര്‍പോര്‍ട്ട് പൊലീസ് സ്റ്റേഷന്‍ പരിധിയിലെ കൗശല്‍ നഗറിലാണ് സംഭവം. ആര്‍ജെഡി നേതാവും മുന്‍ ഉപമുഖ്യമന്ത്രിയുമായ തേജസ്വി യാദവിന്റെ വസതിയും മന്ത്രി അശോക് ചൗധരിയുടെ വസതിയും സംഭവസ്ഥലത്തിന് അടുത്തായാണ് സ്ഥിതി ചെയുന്നത്. 

രാഹുല്‍ എന്ന യുവാവിനെ കൊള്ളയടിക്കാന്‍ അപ്പാച്ചെ ബൈക്കില്‍ എത്തിയ രണ്ട് അക്രമികള്‍ ശ്രമിക്കുകയും പിന്നീടെ വെടിവെപ്പ് നടക്കുകയുമായിരുന്നു. വെടിവെച്ച ശേഷം അക്രമികള്‍ സംഭവസ്ഥലത്തുനിന്ന് ബൈക്കില്‍ രക്ഷപ്പെട്ടു.

സംഭവസ്ഥലത്തു നിന്നും പൊലീസ് ഒരു ബുള്ളറ്റ് ഷെല്‍ കണ്ടെത്തി. സംഭവം നടന്ന സ്ഥലത്തുള്ള ചേരി മേഖലയിലേക്കാണ് പൊലീസ് തിരച്ചില്‍ വ്യാപിപ്പിച്ചത്. ആക്രമണത്തിന് പിന്നിലെ  സിസിടിവി ദൃശ്യങ്ങളും സാക്ഷികളുടെ മൊഴികളും പൊലീസ് പരിശോധിച്ചുകൊണ്ടിരിക്കുകയാണ്.