ഉത്തരാഖണ്ഡിലെ ഹെലികോപ്റ്റര്‍ ദുരന്തം: ഏഴ് പേരും മരിച്ച നിലയില്‍

ഉത്തരാഖണ്ഡിലെ ഗൗരികുണ്ടിലെ ഉള്‍പ്രദേശത്ത് ഇന്ന് പുലര്‍ച്ചെ ഒ ഹെലികോപ്റ്റര്‍ തകര്‍ന്നുവീണ് ഏഴ് പേര്‍ മരണപ്പെട്ടു. കേദാര്‍നാഥില്‍ നിന്നു ഗുപ്തകാശിയിലേക്കുള്ള യാത്രക്കിടെ ഉണ്ടായ അപകടത്തില്‍ പൈലറ്റടക്കം ഏഴുപേരും മരണം ഏറ്റുവാങ്ങുകയായിരുന്നു.

സംഘത്തില്‍ ഒരു കുട്ടിയുമുണ്ടായിരുന്നു. മരിച്ചവരില്‍ ചിലര്‍ മഹാരാഷ്ട്രയിലെയും ചിലര്‍ ഉത്തരാഖണ്ഡിലെയും സ്വദേശികളാണ്.

ആര്യന്‍ എവിയേഷന്‍ കമ്പനിക്ക് കീഴിലുള്ള ഈ ഹെലികോപ്റ്റര്‍ ടേക്ക് ഓഫിനു തൊട്ടുപിന്നാലെ നിയന്ത്രണം നഷ്ടപ്പെട്ടു താഴെവീണാണ് അപകടം സംഭവിച്ചത്. സംഭവത്തെ തുടര്‍ന്ന് ദുരന്തനിവാരണ സേന, പൊലീസ്, ഫയര്‍ഫോഴ്സ് സംഘങ്ങള്‍ ഉടന്‍ രക്ഷാപ്രവര്‍ത്തനത്തിന് എത്തി.

സംഭവത്തെ കുറിച്ച് പ്രതികരിച്ച മുഖ്യമന്ത്രി പുഷ്‌കര്‍ സിങ് ധാമി, ദുഃഖം രേഖപ്പെടുത്തി.  അപകടത്തില്‍പ്പെട്ടവര്‍ക്കായി പ്രാര്‍ത്ഥിക്കുന്നുവെന്നും പ്രതികരിച്ചു. ഹെലികോപ്റ്റര്‍ അപകടത്തിന്റെ കാരണത്തെക്കുറിച്ച് വിശദമായ അന്വേഷണം ആരംഭിച്ചിരിക്കുകയാണ്.