ആറ്റുകാല്‍ പൊങ്കാല: തിരുവനന്തപുരത്ത് ഗതാഗത നിയന്ത്രണം

ആറ്റുകാല്‍ പൊങ്കാല മഹോത്സവത്തോടനുബന്ധിച്ച് മാര്‍ച്ച് 12, 13 തീയതികളില്‍ തിരുവനന്തപുരത്ത് ഗതാഗത നിയന്ത്രണം ഏര്‍പ്പെടുത്തിയതായി പോലീസ് അറിയിച്ചു. നാളെ ഉച്ച 1 മണിമുതല്‍ 13ന് രാത്രി 8 മണിവരെയാണ് നിയന്ത്രണം നിലവിലായിരിക്കുക.

ബുധനാഴ്ച ഉച്ച 1 മുതല്‍ വ്യാഴാഴ്ച രാത്രി 8 വരെ, തിരുവനന്തപുരത്തിന്റെ നഗരാതിര്‍ത്തിക്കുള്ളില്‍ കണ്ടെയ്‌നര്‍ വാഹനങ്ങള്‍, ചരക്ക് വാഹനങ്ങള്‍ എന്നിവ പ്രവേശിക്കാനോ, റോഡുകളിലോ സമീപത്തോ പാര്‍ക്ക് ചെയ്യാനോ അനുവദിക്കില്ല. നിരവധി ഭക്തര്‍ പങ്കെടുക്കുന്നതിനാല്‍, ഗതാഗത സുരക്ഷ ഉറപ്പാക്കാന്‍ ശക്തമായ ക്രമീകരണങ്ങളാണ് പൊലീസ് ഒരുക്കിയിരിക്കുന്നത്.

ട്രെയിന്‍ സേവനങ്ങള്‍:

പൊങ്കാല ദിനത്തില്‍ ഭക്തരുടെ സഞ്ചാര സൗകര്യം മെച്ചപ്പെടുത്തുന്നതിന്, ട്രെയിനുകളുടേയും സമയക്രമം മാറ്റുകയും, അധിക സ്‌പെഷ്യല്‍ ട്രെയിനുകള്‍ അനുവദിക്കുകയും ചെയ്തിട്ടുണ്ട്.

പ്രധാന സ്‌പെഷ്യല്‍ ട്രെയിനുകള്‍:

06077: മാര്‍ച്ച് 13ന് പുലര്‍ച്ചെ 1.30ന് എറണാകുളം ജംഗ്ഷനില്‍ നിന്ന് പുറപ്പെട്ട്, രാവിലെ 6.30ന് തിരുവനന്തപുരം സെന്‍ട്രലിലെത്തും.

06078: തിരുവനന്തപുരത്ത് നിന്ന് 13ന് ഉച്ച 2.15ന് പുറപ്പെട്ട്, രാത്രി 7.40ന് എറണാകുളത്തെത്തും.

ഇതുകൂടാതെ, സ്ഥിരം ട്രെയിനുകള്‍ക്ക് ചില താല്‍ക്കാലിക സ്റ്റോപ്പുകളും അനുവദിച്ചിട്ടുണ്ട്.

പൊങ്കാല ദിനത്തില്‍ തിരുവനന്തപുരത്ത് വലിയ തിരക്ക് പ്രതീക്ഷിക്കുന്നതിനാല്‍, യാത്ര ചെയ്യുന്നവര്‍ മുന്‍കൂട്ടി ക്രമീകരണങ്ങള്‍ ഉറപ്പാക്കേണ്ടതുണ്ട്.