മന്ത്രിമാറ്റ വിഷയത്തിൽ മുഖ്യമന്ത്രിക്കെതിരെ എൻ.സി.പിയിൽ അമർഷം: മന്ത്രിയെ പിൻവലിക്കാൻ തിരക്കിട്ട നീക്കം; രാജിവെക്കില്ലെന്നു ആവർത്തിച്ചു ശ​ശീ​ന്ദ്രൻ

തി​രു​വ​ന​ന്ത​പു​രം: പാർട്ടിക്ക് ലഭിച്ച മന്ത്രിസ്ഥാനം സംബന്ധിച്ചു പുറത്തുനിന്നു തീരുമാനങ്ങൾ ഉണ്ടാകുന്നതിൽ കടുത്ത അമർഷത്തിലാണ് എൻ.സി.പി സംസ്ഥാന നേതൃത്വവും ഒരു വിഭാഗം നേതാക്കളും.  എ.​കെ. ശ​ശീ​ന്ദ്ര​നെ മാ​റ്റി തോ​മ​സ്​ കെ. ​തോ​മ​സി​നെ മ​ന്ത്രി​യാ​ക്ക​ണ​മെ​ന്ന ആ​വ​ശ്യം മു​ഖ്യ​മ​ന്ത്രി​യും സി.​പി.​എ​മ്മും ത​ള്ളി​യ​തോ​ടെ ശ​ശീ​ന്ദ്ര​നെ മ​ന്ത്രി​സ​ഭ​യി​ൽ​നി​ന്ന്​ പി​ൻ​വ​ലി​ക്കു​ന്ന​തു​ൾ​പ്പെ​ടെ തിരക്കിട്ട നീക്കങ്ങൾ എൻ.സി.പി സംസ്ഥാന നേതൃത്വം ആരംഭിച്ചിരിക്കുകയാണ്. എന്നാൽ തോമസ് കേ. തോമസിനെ മന്ത്രി ആക്കാനായില്ലെങ്കിൽ രാ​ജി​വെ​ക്കാ​ൻ ത​യാ​റ​ല്ലെ​ന്ന നിലപാടിലാണ് ശ​ശീ​ന്ദ്ര​നും.

തോ​മ​സ്​ കെ. ​തോ​മ​സ്​ മ​ന്ത്രി​യാ​കു​മെ​ങ്കി​ൽ ഒ​ഴി​യാ​ൻ ത​യാ​റാ​ണ്. എ​ന്നാ​ൽ, അ​തി​ന്​ ത​യാ​റ​ല്ലെ​ന്ന്​ മു​ഖ്യ​മ​ന്ത്രി മൂ​ന്നു​ത​വ​ണ എ​ൻ.​സി.​പി നേ​തൃ​ത്വ​ത്തെ അ​റി​യി​ച്ചി​ട്ടു​ണ്ട്‌. അ​തു​കൊ​ണ്ട്​ ഈ ​ഘ​ട്ട​ത്തി​ൽ രാ​ജി​വെ​ക്കു​ന്ന​ത്​ മു​ഖ്യ​മ​ന്ത്രി​യോ​ടും ഇ​ട​തു​മു​ന്ന​ണി​യോ​ടും ഏ​റ്റു​മു​ട്ടുന്ന​തി​ന്​ സ​മ​മാ​ണ്. അ​തി​ന്​ താ​ൽ​പ​ര്യ​മി​ല്ല. മു​ഖ്യ​മ​​ന്ത്രി​യു​മാ​യും ഇ​ട​തു​പ​ക്ഷ​വു​മാ​യും ചേ​ർ​ന്നു​പോ​കാ​നാ​ണ്​ ആ​ഗ്ര​ഹമെന്നും ശ​ശീ​ന്ദ്ര​ൻ വ്യക്തമാക്കി. 

മന്ത്രിയെ നിർദേശിക്കുന്നത് അതത് പാർട്ടികളാണ്. എന്നാൽ, അന്തിമതീരുമാനം മുഖ്യമന്ത്രിയുടേതാകും. മുഖ്യമന്ത്രിക്ക് അതൃപ്തനായ ഒരാളെ മന്ത്രിയാക്കാനാവില്ലല്ലോ. ഇതിന്റെപേരിൽ പാർട്ടിയിൽ അനൈക്യമുണ്ടാവുന്നതോ അരാജകത്വം സൃഷ്ടിക്കുന്നതോ ശരിയല്ല. തോമസിനെ മന്ത്രിയാക്കണമെന്ന് കേന്ദ്രനേതൃത്വം ആവശ്യപ്പെട്ടെന്നാണ് പി.സി. ചാക്കോ പറയുന്നത്. അങ്ങനെയെങ്കിൽ അക്കാര്യം പ്രസിഡന്റ് എന്നെയായിരുന്നു അറിയിക്കേണ്ടത്. മന്ത്രിസ്ഥാനം പങ്കുവെക്കേണ്ട കാര്യമേയില്ലെന്ന് ചാക്കോ മുൻപ്‌ അഭിപ്രായപ്പെട്ടിട്ടുണ്ട്. ഇപ്പോൾ നിലപാടു മാറ്റിയതിന്റെ കാരണം വ്യക്തമല്ലെന്നും ശശീനന്ദ്രൻ പറഞ്ഞു.

മ​ന്ത്രി​യെ മാ​റ്റാ​നു​ള്ള പാ​ർ​ട്ടി തീ​രു​മാ​നം അം​ഗീ​ക​രി​ക്കാ​ത്ത മു​ഖ്യ​മ​ന്ത്രി​യു​ടെ നി​ല​പാ​ടി​ൽ എ​ൻ.​സി.​പി പ്ര​സി​ഡ​ന്‍റ്​ പി.​സി. ചാ​ക്കോ അ​മ​ർ​ഷ​ത്തി​ലാ​ണ്. മു​ഖ്യ​മ​ന്ത്രി​യു​ടെ പി​ന്തു​ണ ഉ​റ​പ്പു​ള്ള​തി​നാ​ലാ​ണ്​ ശ​ശീ​ന്ദ്ര​ൻ, പാ​ർ​ട്ടി സം​സ്ഥാ​ന നേ​തൃ​ത്വ​ത്തി​ന്‍റെ തീ​രു​മാ​ന​ത്തെ പ​ര​സ്യ​മാ​യി ചോ​ദ്യം​ചെ​യ്യു​ന്ന​തെ​ന്ന്​ ചാ​ക്കോ ക​രു​തു​ന്നു. ഈ ​സാ​ഹ​ച​ര്യ​ത്തി​ലാ​ണ്​ തോ​മ​സി​നെ മ​ന്ത്രി​യാ​ക്കി​യി​ല്ലെ​ങ്കി​ലും ശ​ശീ​ന്ദ്ര​നെ രാ​ജി​വെ​പ്പി​ക്കാ​ൻ പി.​സി. ചാ​ക്കോ വി​ഭാ​ഗം ക​രു​നീ​ക്കുന്ന​ത്. എ​ന്നാ​ൽ, എ​ൻ.​സി.​പി​യി​ൽ നി​ന്ന്​ അ​തി​ന്​ പൂ​ർ​ണ പി​ന്തു​ണ​യി​ല്ല.

മു​ഖ്യ​മ​ന്ത്രി​യും സി.​പി.​എ​മ്മും ശ​ശീ​ന്ദ്ര​നൊ​പ്പ​മാ​ണെ​ന്ന്​ വ്യ​ക്ത​മാ​യ​തോ​ടെ നേ​ര​ത്തേ തോ​മ​സ്​ കെ. ​തോ​മ​സി​നാ​യി വാ​ദി​ച്ച പ​ല​രും ഇ​പ്പോ​ൾ നി​ല​പാ​ട്​ മാ​റ്റി​യി​ട്ടു​ണ്ട്. മു​ഖ്യ​മ​ന്ത്രി​യു​ടെ പി​ന്തു​ണ ഉ​റ​പ്പാ​യ സാ​ഹ​ച​ര്യ​ത്തി​ൽ പാ​ർ​ട്ടി തീ​രു​മാ​നി​ച്ചാ​ലും രാ​ജി​വെ​ക്കാ​ൻ ശ​ശീ​​ന്ദ്ര​ൻ ത​യാ​റാ​യേ​ക്കി​ല്ലെ​ന്നാ​ണ്​ സൂ​ച​ന. ഇത് പാർട്ടിയിൽ അനൈക്യത്തിനും ചിലപ്പോൾ പിളർപ്പിലേക്കും വരെ എത്തിച്ചേക്കാമെന്നും രാഷ്ട്രിയ നിരീക്ഷകർ കരുതുന്നു.