സതീശനെതിരെ ശോഭ സുരേന്ദ്രന്‍; പാലക്കാട് മുന്‍സിപ്പാലിറ്റിയില്‍ ഒരു കൗണ്‍സിലറെ എങ്കിലും കൂടുതലായി ജയിപ്പിക്കണമെന്ന് വെല്ലുവിളി

കൊച്ചി: പാലക്കാട് മുന്‍സിപ്പാലിറ്റിയില്‍ കഴിഞ്ഞ തവണത്തേക്കാള്‍ ഒരു യു.ഡി.എഫ് കൗണ്‍സിലറെ എങ്കിലും കൂടുതലായി ജയിപ്പിക്കാന്‍ വി.ഡി. സതീശനെ വെല്ലുവിളിച്ച് ബി.ജെ.പി നേതാവ് ശോഭാ സുരേന്ദ്രന്‍. തന്നോട് പന്തയംവയ്ക്കാന്‍ ധൈര്യമുണ്ടോയെന്നും ശോഭാ, സതീശനെ വെല്ലുവിളിച്ചു. പാലക്കാട് ഉപതെരഞ്ഞെടുപ്പ് തോല്‍വിക്ക് പിന്നാലെ ഉയര്‍ന്ന വിവാദങ്ങളില്‍ പ്രതികരിക്കവേയാണ് ശോഭ ഇക്കാര്യം പറഞ്ഞത്.

അടുത്ത പഞ്ചായത്ത് തിരഞ്ഞെടുപ്പില്‍ പാലക്കാട് മുനിസിപ്പാലിറ്റി യു.ഡി.എഫ് തിരിച്ചുപിടിക്കുമെന്നായിരുന്നു പ്രതിപക്ഷ നേതാവ് വി.ഡി. സതീശനും മറ്റ് കോണ്‍ഗ്രസ് നേതാക്കളും അവകാശപ്പട്ടത്. ഇതിനോടായിരുന്ന ശോഭാ സുരേന്ദ്രന്റെ വൈകാരികമായ പ്രതികരണം.

പാര്‍ട്ടി ഏല്‍പ്പിച്ച എല്ലാ ചുമതലകളും നന്നായി ചെയ്തിട്ടുണ്ടെന്നും ശോഭ പറഞ്ഞു. എല്ലാം ചെയ്തു തീര്‍ത്തുവെന്ന ആത്മവിശ്വാസമുണ്ട്. തദ്ദേശ തിരഞ്ഞെടുപ്പില്‍ ബിജെപി മുന്നേറ്റമുണ്ടാക്കും. പഞ്ചായത്ത് തിരഞ്ഞെടുപ്പില്‍ സാധാരണ പാര്‍ട്ടി പ്രവര്‍ത്തകരുടെ വിജയമാണ് തന്റെ ലക്ഷ്യമെന്നും ശോഭ പറഞ്ഞു.