പത്തനംതിട്ടയിലെ സംഭവത്തിന് പിന്നാലെ തളിപ്പറമ്പിലും നഴ്സിങ് വിദ്യാര്‍ഥി ഹോസ്റ്റലില്‍ മരിച്ച നിലയില്‍

കണ്ണൂര്‍: തളിപ്പറമ്പില്‍ നഴ്സിങ് വിദ്യാര്‍ഥി ഹോസ്റ്റലില്‍ മരിച്ച നിലയില്‍. എറണാകുളം തോപ്പുംപടി സ്വദേശി ആന്‍മരിയയാണ് മരിച്ചത്. ശുചിമുറിയില്‍ മരിച്ച നിലയിലാണു വിദ്യാര്‍ഥിയെ കണ്ടെത്തിയത്. തളിപ്പറമ്പ് ലൂര്‍ദ് നഴ്സിങ് കോളജിലെ നാലാം വര്‍ഷ ഫിസിയോ തെറാപ്പി വിദ്യാര്‍ഥിയാണ് ആന്‍മരിയ.

പത്തനംതിട്ടയിലെ നഴ്‌സിങ് വിദ്യാര്‍ഥിയുടെ മരണത്തില്‍ അന്വേഷണം പുരോഗമിക്കുന്നതിനിടെയാണു കണ്ണൂരിലും സമാനസംഭവം റിപ്പോര്‍ട്ട് ചെയ്യുന്നത്. ചുട്ടിപ്പാറ എസ്എംഇ നഴ്‌സിങ് കോളജിലെ നാലാംവര്‍ഷ വിദ്യാര്‍ഥി തിരുവനന്തപുരം അയിരൂപ്പാറ സ്വദേശിനി അമ്മു എസ്. സജീവാണ് പത്തനംതിട്ടയില്‍ മരിച്ച നിലയിലെ കണ്ടെത്തിയത്. സംഭവത്തില്‍ സഹപാഠികള്‍ റിമാന്‍ഡിലായിട്ടുണ്ട്. കേസില്‍ പ്രതികളായ അഞ്ജന മധു, അലീന ദിലീപ്, എ.ടി അക്ഷിത എന്നിവര്‍ക്കെതിരെയാണു നടപടി.