ഡ്രോൺ ആക്രമണത്തിൽ ഇ​സ്രയേ​ലി​ന് മുൻപേ പണി കൊടുത്ത് അമേരിക്ക; ഇ​റാ​നെ​തി​രെ പു​തി​യ എ​ണ്ണ ഉ​പ​രോ​ധം; പ്രതിരോധ മേഖലയിലെ സാമ്പത്തിക സ്രോതസ് തടയാനെന്ന് അമേരിക്ക

വാ​ഷി​ങ്ട​ൺ: ഇ​സ്രയേ​ലി​ലെ സൈ​നി​ക കേ​ന്ദ്ര​ങ്ങ​ൾ ല​ക്ഷ്യ​മി​ട്ട് ഇറാൻ നടത്തിയ മി​സൈ​ൽ ആ​ക്ര​മ​ണത്തിന് ആദ്യ പണി കൊടുത്തത് അമേരിക്ക. ഇ​റാ​നെ​തി​രെ പു​തി​യ എ​ണ്ണ ഉ​പ​രോ​ധം പ്ര​ഖ്യാ​പി​ച്ചാണ് അമേരിക്കയുടെ അപ്രതീക്ഷിത നീക്കം. ഇ​റാ​ൻ എ​ണ്ണ ക​ട​ത്തു​ന്ന ക​പ്പ​ലു​ക​ൾ, ക​മ്പ​നി​ക​ൾ എ​ന്നി​വ​ക്കെ​തി​രെ​യാ​ണ് പു​തി​യ ഉ​പ​രോ​ധം. 

ഇ​റാ​ൻ ആ​ണ​വ പ​ദ്ധ​തി​ക്കും മി​സൈ​ൽ നി​ർ​മാ​ണ​ത്തി​നും പ​ണ​മി​റ​ക്കാ​ൻ സ​ഹാ​യി​ക്കു​ന്ന വ​രു​മാ​ന സ്രോ​ത​സ്സു​ക​ൾ ത​ട​യു​ന്ന​തി​ന്റെ ഭാ​ഗ​മാ​യാ​ണ് ന​ട​പ​ടി​യെ​ന്ന് യു.​എ​സ് സ്റ്റേ​റ്റ് സെ​ക്ര​ട്ട​റി ആ​ന്റ​ണി ബ്ലി​ങ്ക​ൻ പ​റ​ഞ്ഞു. 

ഇ​റാ​നി​ലെ എ​ണ്ണ​ക്ക​മ്പ​നി​ക​ൾ നേ​ര​ത്തേ യു.​എ​സ് ഉ​പ​രോ​ധ പ​ട്ടി​ക​യി​ലു​ള്ള​താ​ണെ​ങ്കി​ലും നി​യ​ന്ത്ര​ണം ക​ടു​പ്പി​ക്കു​ന്ന​തി​ന്റെ ഭാ​ഗ​മാ​യാ​ണ് പ്ര​ഖ്യാ​പ​നം. 

ആ​റ് സ്ഥാ​പ​ന​ങ്ങ​ൾ, ആ​റ് ക​പ്പ​ലു​ക​ൾ എ​ന്നി​വ​യാ​ണ് പു​തു​താ​യി സ്റ്റേ​റ്റ് വി​ഭാ​ഗം പ്ര​ഖ്യാ​പി​ച്ച ഉ​പ​രോ​ധ പ​രി​ധി​യി​ൽ വ​രു​ക. ട്ര​ഷ​റി വി​ഭാ​ഗം 17 ക​പ്പ​ലു​ക​ൾ​ക്കെ​തി​രെ​യും ഉ​പ​രോ​ധം ന​ട​പ്പാ​ക്കും. 

യു.​എ.​ഇ, ചൈ​ന, പാ​ന​മ അ​ട​ക്കം രാ​ജ്യ​ങ്ങ​ളി​ൽ ര​ജി​സ്റ്റ​ർ ചെ​യ്ത​വ​യാ​ണ് ക​പ്പ​ലു​ക​ൾ. ഇ​വ​യു​ടെ പേ​രി​ൽ യു.​എ​സി​ലു​ള്ള ആ​സ്തി​ക​ൾ ഇ​തോ​ടെ മ​ര​വി​പ്പി​ക്കും. അ​മേ​രി​ക്ക​ക്കാ​ർ​ക്ക് ഈ ​ക​മ്പ​നി​ക​ളു​മാ​യി ഇ​ട​പാ​ടു​ക​ൾ വി​ല​ക്കു​ക​യും ചെ​യ്യും.

ഹി​സ്ബു​ല്ല നേ​താ​വ് ഹ​സ​ൻ ന​സ്റു​ല്ല, ഹ​മാ​സ് നേ​താ​വ് ഇ​സ്മാ​ഈ​ൽ ഹ​നി​യ്യ എ​ന്നി​വ​രെ വ​ധി​ച്ച​തി​ന് പ്ര​തി​കാ​ര​മാ​യി ഒ​ക്ടോ​ബ​ർ ഒ​ന്നി​നാ​ണ് ഇ​സ്രാ​യേ​ലി​ലെ വി​വി​ധ സൈ​നി​ക കേ​ന്ദ്ര​ങ്ങ​ൾ ല​ക്ഷ്യ​മി​ട്ട് ഇ​റാ​ൻ മി​സൈ​ലു​ക​ൾ എ​ത്തി​യ​ത്.