രാഷ്ട്രപതി ദ്രൗപതി മുര്‍മു ശബരിമലയില്‍ ദര്‍ശനം നടത്തി

രാഷ്ട്രപതി ദ്രൗപതി മുര്‍മു ശബരിമലയിലെത്തി അയ്യപ്പ ദര്‍ശനം നടത്തി. ഇരു മുടിക്കെട്ടുമായി പതിനെട്ടാം പടി ചവിട്ടിയാണ് ദര്‍ശനം പൂര്‍ത്തിയാക്കിയത്. പമ്പയില്‍ എത്തി പമ്പാസ്‌നാനത്തിന് ശേഷം, രാവിലെ 11.30 ഓടെയാണ് സന്നിധാനത്തേക്കുള്ള യാത്ര ആരംഭിച്ചത്. 

രാഷ്ട്രപതി ഇന്നലെ തലസ്ഥാനത്തെത്തി, ഇന്ന് രാവിലെ 7.30 ഓടെയാണ് രാജ്ഭവനില്‍ നിന്ന് തിരുവനന്തപുരം വിമാനത്താവളത്തിലേക്ക് പുറപ്പെട്ടത്. തുടര്‍ന്ന് ഹെലികോപ്റ്ററില്‍ പത്തനംതിട്ടയിലേക്ക് പോയി. 

പോലീസിന്റെ ഫോഴ്സ് ഗൂര്‍ഖാ വാഹനത്തിലാണ് രാഷ്ട്രപതി സന്നിധാനത്തേക്ക് എത്തിയത്. സന്നിധാനത്തില്‍ തന്ത്രി കണ്ഠര്‍ മഹേഷ് മോഹനര്‍ പൂര്‍ണകുംഭം നല്‍കി രാഷ്ട്രപതിയെ സ്വീകരിച്ചു. ദര്‍ശനത്തിന് ശേഷം സന്നിധാനത്തിലെ ഗസ്റ്റ് ഹൗസില്‍ വിശ്രമിച്ച് രാത്രിയോടെ തിരിച്ച് തിരുവനന്തപുരത്ത് എത്തുന്നതാണ്. പിന്നീട് ഹോട്ടല്‍ ഹയാത്ത് റീജന്‍സിയില്‍ ഗവര്‍ണര്‍ രാജേന്ദ്ര വിശ്വനാഥര്‍ലേക്കര്‍ സംഘടിപ്പിച്ച അത്താഴ വിരുന്നില്‍ പങ്കെടുക്കും.

രാഷ്ട്രപതിയുടെ ശബരിമല സന്ദര്‍ശനത്തോടനുബന്ധിച്ച് ദര്‍ശനത്തിന് നിയന്ത്രണങ്ങളും കര്‍ശന സുരക്ഷാ ക്രമീകരണങ്ങളും ഏര്‍പ്പെടുത്തിയിരുന്നു.