പ്രധാനമന്ത്രി ഒഡീഷയില്‍; 60,000 കോടി രൂപയുടെ വികസന പദ്ധതികള്‍ക്ക് തുടക്കം

പ്രധാനമന്ത്രി നരേന്ദ്രമോദി ഒഡീഷയില്‍. 60,000 കോടി രൂപയുടെ വികസന പദ്ധതികള്‍ ഉദ്ഘാടനം ചെയ്തു. അടിസ്ഥാന സൗകര്യ വികസനമാണ് സര്‍ക്കാരിന്റെ ലക്ഷ്യം എന്ന് പ്രധാനമന്ത്രി പറഞ്ഞു. ആശുപത്രികള്‍ റോഡ് റെയില്‍ ഉള്‍പ്പെടെയുള്ള പദ്ധതികള്‍ക്കാണ് തുടക്കം കുറിക്കുക. സ്വദേശിവല്‍ക്കരണമാണ് നമ്മുടെ ലക്ഷ്യം എന്ന് പ്രധാനമന്ത്രി വ്യക്തമാക്കി.

ബിഎസ്എന്‍എല്‍ സ്വദേശി പദ്ധതി പ്രധാനമന്ത്രി ഉദ്ഘാടനം ചെയ്തു. വിദ്യാഭ്യാസവും വിവരസാങ്കേതികവിദ്യയും ഒഡീഷയില്‍ വളര്‍ന്നു. ഇതില്‍ സര്‍ക്കാരിന്റെ പ്രയത്‌നം വലുതെന്നും പ്രധാനമന്ത്രി പറഞ്ഞു. ഗോത്ര വിഭാഗങ്ങള്‍ക്ക് നാല്‍പ്പതിനായിരം വീടുകള്‍ നല്‍കി എന്നും പ്രധാനമന്ത്രി പറഞ്ഞു.

ബിഎസ്എന്‍എല്ലിന്റെ തദ്ദേശീയ സാങ്കേതിക വിദ്യ ഉപയോഗിച്ച് നിര്‍മ്മിച്ച 97,500-ലധികം 4ജി മൊബൈല്‍ ടവറുകള്‍ പ്രധാനമന്ത്രി കമ്മീഷന്‍ ചെയ്തു. ഏകദേശം 37,000 കോടി രൂപ ചെലവിലാണ് ഈ ടവറുകള്‍ നിര്‍മ്മിച്ചത്.