കരുനാഗപ്പള്ളിയില്‍ ടിയര്‍ ഗ്യാസ് പരിശീലനത്തിനിടെ അപകടം: മൂന്ന് പൊലീസ് ഉദ്യോഗസ്ഥര്‍ക്ക് പരുക്ക്

കരുനാഗപ്പള്ളിയില്‍ ടിയര്‍ ഗ്യാസ് പരിശീലനത്തിനിടെ ഉണ്ടായ അപകടത്തില്‍ മൂന്ന് പൊലീസ് ഉദ്യോഗസ്ഥര്‍ക്ക് പരുക്കേറ്റു. പരിശീലനത്തിനിടെ ടിയര്‍ ഗ്യാസ് ഷെല്‍ പൊട്ടിത്തെറിച്ചതാണ് അപകടത്തിന് കാരണം. പരുക്കേറ്റ രണ്ട് വനിതാ പൊലീസുകാരെയും ഒരു പുരുഷ പൊലീസ് ഉദ്യോഗസ്ഥനെയും ചികിത്സയ്ക്കായി ചവറയിലെ ആശുപത്രിയില്‍ പ്രവേശിപ്പിച്ചു.

കരുനാഗപ്പള്ളി സബ്ഡിവിഷനിലെ പൊലീസുകാരുടെ പരിശീലന വേളയിലാണ് സംഭവം നടന്നത്. ആദ്യം ഉപയോഗിക്കുമ്പോള്‍ ഷെല്‍ പൊട്ടിയിരുന്നില്ലെങ്കിലും പിന്നീട് വീണ്ടും ലോഡ് ചെയ്തപ്പോള്‍ പെട്ടെന്ന് പൊട്ടിത്തെറിച്ചതായി റിപ്പോര്‍ട്ട്.

സംഭവത്തിന്റെ കാരണം വ്യക്തമാക്കുന്നതിനായി വിശദമായ അന്വേഷണം ആരംഭിച്ചിട്ടുണ്ടെന്ന് കരുനാഗപ്പള്ളി എസിപി അറിയിച്ചു