വാ തുറക്കാത്തവര്‍ക്കൊപ്പമില്ല; ആഷിഖ് അബു ഫെഫ്കയില്‍ നിന്ന് രാജിവച്ചു

കൊച്ചി: ഹേമ കമ്മിറ്റി റിപ്പോര്‍ട്ടിലെ വെളിപ്പിടുത്തലുകളിലും തുടര്‍ന്നുണ്ടായ ലൈംഗീക പീഢന പരാതികളിലും ഫെഫ്ക നേതൃത്വം നിഷ്‌ക്രിയത്വം കാട്ടിയെന്ന് ആരോപിച്ച്  സംവിധായകന്‍ ആഷിഖ് അബു ഫെഫ്കയില്‍ നിന്നും രാജിവച്ചു.

ഇത്രയും ഗുരുതരമായ വെളിപ്പെടുത്തലുകളും പരാതികളും ഉണ്ടായിട്ട് നേതൃത്വം കുറ്റകരമായ മൗനം പാലിച്ചെന്നാണ് രാജി കത്തില്‍ പറഞ്ഞിരിക്കുന്നത്. ഫെഫ്കയുടെ പ്രാഥമിക അംഗത്വത്തില്‍ നിന്നുമാണ് ആഷിഖ് അബു രാജിവച്ചത്.

ഹേമ കമ്മിറ്റി റിപ്പോര്‍ട്ട് പുറത്തുവന്ന ശേഷം ജനറല്‍ സെക്രട്ടറി ബി. ഉണ്ണികൃഷ്ണന്‍ ഇതുവരെ മാധ്യമങ്ങളെ കണ്ടിട്ടില്ല.  ഇതിനെതിരെ സംഘടനയ്ക്കുള്ളില്‍ കടുത്ത അമര്‍ഷമുണ്ട്. അതിനിടെയാണ് ആഷിഖ് അബുവിന്റെ രാജി.