ഭാര്യയെ കൊന്ന് കഷ്ണങ്ങളാക്കി കുക്കറില്‍ വേവിച്ചപ്പോള്‍ പോലും പകച്ചില്ല, ഒടുവില്‍ കുറ്റ സമ്മതം; ആന്ധ്രയിലെ അരുംകൊലയുടെ ചുരുള്‍ അഴിയുമ്പോള്‍

ആന്ധ്രപ്രദേശിലെ വെങ്കട മാധവി എന്ന യുവതിയുടെ കൊലപാതകവുമായി ബന്ധപ്പെട്ട അന്വേഷണം ചുരുള്‍ അഴിയുമ്പോള്‍ ഏതൊരു വ്യക്തിക്കും ഞെട്ടലും ഭയവും ഉണ്ടാക്കുന്നു. തന്റെ ഭാര്യയെ കൊലപ്പെടുത്തിയെന്നും, സംശയം തോന്നാതിരിക്കാനായി അവളുടെ ശരീരം വെട്ടി കുക്കറിലിട്ട് വേവിച്ചെന്നും  ഗുരുമൂര്‍ത്തി അന്വേഷണ ഉദ്യോഗസ്ഥരോട് കുറ്റ സമ്മതം നടത്തിയിട്ടുണ്ട്.

ഭര്‍ത്താവ് തന്റെ സ്വന്തം ഭാര്യയെ കൊലപ്പെടുത്തുകയും അതിനുശേഷം  ക്രൂരത നടത്തുകയും ചെയ്തു. ശുചിമുറിയില്‍ വെച്ചായിരുന്നു മാധവിയുടെ ശരീരം വെട്ടിക്കഷ്ണങ്ങളാക്കിയത് എന്നാണ് പ്രതിയുടെ  വെളിപ്പെടുത്തല്‍. പിന്നീട്, ശരീരത്തെ കുക്കറിലിട്ട് വേവിച്ചു. വേവിച്ച മാംസത്തില്‍ നിന്ന് മാംസം വേര്‍തിരിച്ചു, എല്ലുകള്‍ പൊടിച്ച് വീണ്ടും വേവിച്ചു. ഒടുവില്‍, മൂന്ന് ദിവസം പലവട്ടം മാംസവും അസ്ഥിയും വേവിച്ച്, പ്ലാസ്റ്റിക് ബാഗുകളില്‍ പാക്ക് ചെയ്ത് തടാകത്തിലേക്ക്  വലിച്ചെറിയുകയായിരുന്നു. കൊലപാതക വിവരം പുറത്തറിയാതിരിക്കാനായി പ്രതി ഇങ്ങനെ ചെയ്‌തെന്ന് പറയുന്നു.

മാധവിയെ കാണാനില്ലെന്ന് മാതാപിതാക്കള്‍ ജനുവരി 18ന് പൊലീസില്‍ പരാതി നല്‍കിയതോടെ സംഭവം പുറത്തുവരികയായിരുന്നു.  ഭര്‍ത്താവ് ഗുരുമൂര്‍ഥിയോട് അന്വേഷിച്ചപ്പോള്‍, മാധവി രണ്ട് ദിവസം മുന്‍പായി ബന്ധുവീട്ടിലേക്ക് പോയതായാണ് മറുപടി ലഭിച്ചത്. എന്നാല്‍, ഇതില്‍ സംശയം തോന്നിയ മാതാപിതാക്കള്‍ പൊലീസില്‍ പരാതി നല്‍കി. ഇതോടെയാണ് പോലീസ് അതിക്രൂരമായ കൊലപാതകത്തെക്കുറിച്ച് കണ്ടെത്തിയത്. പോലീസ് പ്രതിയെ ക പിടികൂടി ചോദ്യം ചെയ്തപ്പോള്‍ ് കുറ്റം സമ്മതിച്ചു.