സംസ്ഥാനത്ത് ഇന്ന് ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. വടക്കന് കേരളത്തിലും മലയോര മേഖലകളിലും മഴ കനത്തേക്കും. എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
മഴയ്ക്കൊപ്പം ശക്തമായ കാറ്റിനും സാധ്യതയുണ്ട്. തിരുവനന്തപുരം, കൊല്ലം, ആലപ്പുഴ, കണ്ണൂര്-കാസര്ഗോഡ് ജില്ലകളിലെ തീരങ്ങളില് ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതി പഠന ഗവേഷണ കേന്ദ്രം അറിയിച്ചു. കേരള, കര്ണാടക, ലക്ഷദ്വീപ് തീരങ്ങളില് മീന്പിടുത്തത്തിന് ഏര്പ്പെടുത്തിയ വിലക്ക് തുടരും.
അടുത്ത 3 മണിക്കൂറില് കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് ഇടത്തരം മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളില് പ്രത്യേക മഴ മുന്നറിയിപ്പുകളില്ല.
തെക്കന് കര്ണാടക തീരം മുതല് തെക്കന് ആന്ധ്രാ തീരം വരെയായി ന്യൂനമര്ദ്ദപാത്തി നിലനില്ക്കുന്നുണ്ട്. കേരളത്തിന്റെ അന്തരീക്ഷത്തില് പടിഞ്ഞാറന്, വടക്ക് പടിഞ്ഞാറന് കാറ്റ് ശക്തമാണ്. ജൂലൈ 24-ഓടെ വടക്കന് ബംഗാള് ഉള്ക്കടലില് ന്യൂനമര്ദ്ദം രൂപപ്പെട്ടേക്കും. കേരളാ തീരത്ത് 50 കി.മീ വരെ വേഗത്തില് കാറ്റ് വീശാനും സാധ്യതയുണ്ട്.
Comments
No comments yet. Be the first to comment!
Leave a Comment