ആലപ്പുഴ: തിരഞ്ഞെടുപ്പില് മത്സരിക്കാനല്ല താന് കോണ്ഗ്രസ് വിട്ടതെന്ന് മുതിര്ന്ന കോണ്ഗ്രസ് നേതാവ് ജി. സുധാകരന്. ഇന്നത്തെ കോണ്ഗ്രസ് താന് വളര്ന്നുവന്ന പാര്ട്ടിയല്ലെന്നും നില്ക്കാന് കൊള്ളാത്ത പാര്ട്ടിയായതിനാലാണ് വിട്ടതെന്നും അദ്ദേഹം പറഞ്ഞു.
കേരളത്തിലെ റോഡുകളെക്കുറിച്ചുള്ള പരാമര്ശത്തില് സിപിഎം നേതാവ് എ.എന്. ബേബിക്കെതിരെയും സുധാകരന് വിമര്ശനം ഉന്നയിച്ചു. കേരളത്തിലെ റോഡുകള് ദൈവം കൊണ്ടുവന്നതല്ലെന്നും താന് മന്ത്രിയായിരുന്ന കാലത്ത് നിര്മിച്ചതാണെന്നും അദ്ദേഹം പറഞ്ഞു. ആരോടാണ് എന്താണ് സംസാരിക്കുന്നതെന്ന് ബേബിക്ക് അറിയില്ലെന്നും സുധാകരന് വിമര്ശിച്ചു.
തന്റെ പിതാവിനെതിരെ നടത്തിയ പരാമര്ശങ്ങളിലും സുധാകരന് പ്രതികരിച്ചു. തന്റെ അച്ഛനെ വിളിച്ചവരെ ബേബി തിരുത്തിയില്ലെന്നും അങ്ങനെ പറയുന്നവര്ക്ക് ഒരുപാട് അച്ഛന്മാര് ഉണ്ടായിരിക്കാമെന്നും അദ്ദേഹം പറഞ്ഞു. എനിക്ക് ഒരു അച്ഛനേയുള്ളൂ എന്നും സുധാകരന് വ്യക്തമാക്കി.
സിഎംആര്എല്-എക്സാലോജിക് കേസില് മുഖ്യമന്ത്രി പിണറായി വിജയനെ കല്ലെറിയാനില്ലെന്നും എന്നാല് അതേ മര്യാദ തന്നോട് കാണിച്ചിട്ടില്ലെന്നും സുധാകരന് പറഞ്ഞു. ഇഡിയെ തള്ളിപ്പറയാനില്ലെന്നും നിയമം അതിന്റെ വഴിക്ക് പോകട്ടെയെന്നും അദ്ദേഹം വ്യക്തമാക്കി.
റിപ്പോര്ട്ടര് ചാനലില് നടന്ന പൊലീസ് റെയ്ഡിനെക്കുറിച്ചും സുധാകരന് പ്രതികരിച്ചു. കൊള്ളയും അഴിമതിയും നടത്തിയതിനാലാണ് റിപ്പോര്ട്ടറില് റെയ്ഡ് നടത്തിയതെന്നും ഇതില് സന്തോഷമൊന്നുമില്ലെന്നും അദ്ദേഹം പറഞ്ഞു. അനുഭവിക്കട്ടെ എന്നും സുധാകരന് കൂട്ടിച്ചേര്ത്തു.
Comments
No comments yet. Be the first to comment!
Leave a Comment