തിരുവനന്തപുരം: വി.ഡി സതീശനെ മുഖ്യമന്ത്രിയായി പ്രഖ്യാപിച്ചതിന് പിന്നാലെ മന്ത്രിസഭാ രൂപീകരണ ചര്ച്ചക്കായി യുഡിഎഫ് യോഗം ഇന്ന് ചേരും. വൈകുന്നേരം നാലിന് കന്റോണ്മെന്റ് ഹൗസിലാണ് യോഗം. ഘടകകക്ഷികള്ക്ക് എത്ര മന്ത്രിസ്ഥാനം നല്കണം തുടങ്ങിയ കാര്യങ്ങളാണ് യോഗത്തില് ചര്ച്ചയാകുക.
കെപിസിസി അധ്യക്ഷന് സണ്ണി ജോസഫ്, കെ മുരളീധരന്,പി സി വിഷ്ണുനാഥ്, ഷാനിമോള് ഉസ്മാന്, എ പി അനില്കുമാര്, ബിന്ദു കൃഷ്ണ, തിരുവഞ്ചൂര് രാധാകൃഷ്ണന്, എം വിന്സന്റ്, എന് ശക്തന്, ചാണ്ടി ഉമ്മന് തുടങ്ങിയ പേരുകള്ക്കാണ് സാധ്യത പട്ടികയില് മുന്തൂക്കം. മുഖ്യമന്ത്രി അടക്കം 12 പേരാകും കോണ്ഗ്രസ് പ്രതിനിധികളായി മന്ത്രിസഭയില് ഉണ്ടാവുക.
മുഖ്യമന്ത്രി തീരുമാനത്തില് ഇടഞ്ഞു നില്ക്കുന്ന രമേശ് ചെന്നിത്തലയെ അടക്കം യോഗത്തില് എത്തിക്കാനാണ് കോണ്ഗ്രസ് ക്യാമ്പ് ശ്രമിക്കുന്നത്. മികച്ച വിജയം നേടിയ മുസ് ലിം ലീഗ് നിലവിലുള്ള അഞ്ച് മന്ത്രിസ്ഥാനം നല്കിയേക്കും. മറ്റ് ഘടകകക്ഷികളായ കേരള കോണ്ഗ്രസ്, കേരള കോണ്ഗ്രസ് ജേക്കബ്, സിഎംപി, ആര്എസ്പി എന്നിവരുടെ ആവശ്യങ്ങളും ഇന്ന് പരിഗണിക്കും. മന്ത്രിസഭയിലെ അംഗബലം, വകുപ്പുകള് എന്നിവ സംബന്ധിച്ച തീരുമാനവും യുഡിഎഫ് യോഗത്തിലെടുക്കും.
പത്തു വര്ഷത്തെ ഇടവേളയ്ക്ക് ശേഷം സംസ്ഥാനത്ത് യുഡിഎഫ് സര്ക്കാര് അധികാരത്തിലേക്കെത്തുന്നതിന്റെ ഒരുക്കങ്ങലിലാണ് തലസ്ഥാനം. 102 സീറ്റോടെ വന് ഭൂരിപക്ഷത്തില് അധികാരത്തിലേറുന്ന പുതിയ മന്ത്രിസഭയുടെ സത്യപ്രതിജ്ഞ തിങ്കളാഴ്ച രാവിലെ പ്ത്തിന് തരുവനന്തപുരം സെന്ട്രല് സ്റ്റേഡിയത്തില് നടക്കം.
Comments
No comments yet. Be the first to comment!
Leave a Comment