തിരുവനന്തപുരം: സംസ്ഥാനത്ത് ഇന്നും ഉഷ്ണതരംഗ മുന്നറിയിപ്പ് തുടരുന്നു. കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളില് ഓറഞ്ച് അലര്ട്ട് പ്രഖ്യാപിച്ചിരിക്കുകയാണ്. പത്തനംതിട്ടയിലെ കോന്നിയിലാണ് ഏറ്റവും ഉയര്ന്ന അള്ട്രാവയലറ്റ് (യു വി) സൂചിക രേഖപ്പെടുത്തിയത്. ഇവിടെ യു വി ഇന്ഡെക്സ് 9 ആയി. കൊട്ടാരക്കര, ചെങ്ങന്നൂര്, ചങ്ങനാശ്ശേരി, മൂന്നാര് എന്നിവിടങ്ങളില് യു വി ഇന്ഡെക്സ് 8 രേഖപ്പെടുത്തി.
എറണാകുളം, പാലക്കാട്, മലപ്പുറം, വയനാട് ജില്ലകളില് യെല്ലോ അലര്ട്ട് നിലവിലുണ്ട്. പാലക്കാട് തൃത്താലയില് യു വി ഇന്ഡെക്സ് 7 ആയപ്പോള്, എറണാകുളം കളമശ്ശേരി, മലപ്പുറം പൊന്നാനി, വയനാട് മാനന്തവാടി എന്നിവിടങ്ങളില് യു വി ഇന്ഡെക്സ് 6 രേഖപ്പെടുത്തി.
ഉയര്ന്ന അള്ട്രാവയലറ്റ് രശ്മികള് ദീര്ഘസമയം ശരീരത്തില് ഏല്ക്കുന്നത് സൂര്യാതപം, ത്വക്ക് രോഗങ്ങള്, നേത്ര സംബന്ധമായ പ്രശ്നങ്ങള് ഉള്പ്പെടെയുള്ള ആരോഗ്യ പ്രശ്നങ്ങള്ക്ക് ഇടയാക്കാമെന്ന് ആരോഗ്യ വിദഗ്ധര് മുന്നറിയിപ്പ് നല്കുന്നു. പ്രത്യേകിച്ച് രാവിലെ 10 മുതല് ഉച്ച കഴിഞ്ഞ് 3 മണിവരെ ഉള്ള സമയങ്ങളില് യു വി ഇന്ഡെക്സ് കൂടുതലായതിനാല് ഈ സമയങ്ങളില് നേരിട്ട് സൂര്യപ്രകാശം ഏല്ക്കുന്നത് പരമാവധി ഒഴിവാക്കണമെന്ന് നിര്ദ്ദേശം നല്കിയിട്ടുണ്ട്.
Comments
No comments yet. Be the first to comment!
Leave a Comment