തിരുവനന്തപുരം:കേരളത്തില് അടുത്ത ദിവസങ്ങളിലും അതിശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. സംസ്ഥാനത്തിന്റെ വിവിധ ഭാഗങ്ങളില് ശക്തമായ മഴ, ഇടിമിന്നല്, കാറ്റ് എന്നിവ അനുഭവപ്പെടാമെന്നതിനാല് ജനങ്ങള് ജാഗ്രത പാലിക്കണമെന്ന് മുന്നറിയിപ്പും നല്കിയിട്ടുണ്ട്.
കാലാവസ്ഥാ വകുപ്പിന്റെ പ്രവചനപ്രകാരം, നാളെ (ഒക്ടോബര് 16) കോട്ടയം, ഇടുക്കി ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. കൂടാതെ ഒക്ടോബര് 17-ന് എറണാകുളം ജില്ലയിലും ഓറഞ്ച് അലര്ട്ട് നിലവിലുണ്ടാകും. ഒറ്റപ്പെട്ടയിടങ്ങളില് 24 മണിക്കൂറിനുള്ളില് 204.4 മില്ലീമീറ്റര് വരെ അതിശക്തമായ മഴയ്ക്കാണ് സാധ്യതയെന്ന് റിപ്പോര്ട്ടില് പറയുന്നു.
മഞ്ഞ അലര്ട്ട് പ്രഖ്യാപിച്ച ജില്ലകള്
15/10/2025: തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, എറണാകുളം
16/10/2025: തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, തൃശൂര്, മലപ്പുറം
17/10/2025: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, തൃശൂര്
18/10/2025: പത്തനംതിട്ട, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, വയനാട്
19/10/2025: പത്തനംതിട്ട, കോട്ടയം, ഇടുക്കി, കണ്ണൂര്, കാസറഗോഡ്
ഇന്ന് മുതല് ഒക്ടോബര് 19 വരെ ഇടിമിന്നലോടുകൂടിയ മഴയും മണിക്കൂറില് 30 മുതല് 40 കിലോമീറ്റര് വരെ വേഗതയുള്ള കാറ്റും ഉണ്ടാകാനാണ് സാധ്യത. അപകട സാധ്യതയുള്ള പ്രദേശങ്ങളിലെ ജനങ്ങള് ജാഗ്രത പാലിക്കണമെന്ന് കാലാവസ്ഥാ വകുപ്പ് മുന്നറിയിപ്പ് നല്കി.
Comments
No comments yet. Be the first to comment!
Leave a Comment