കോഴിക്കോട്: പേരാമ്പ്രയിലെ സംഘര്ഷവുമായി ബന്ധപ്പെട്ട് യുഡിഎഫ് പ്രവര്ത്തകര് പൊലീസ് നേരെ സ്ഫോടക വസ്തു എറിഞ്ഞുവെന്ന കേസില് പേരാമ്പ്ര പൊലീസ് അന്വേഷണം ആരംഭിച്ചു. എല്ഡിഎഫിന്റെ പരാതിയുടെ അടിസ്ഥാനത്തിലാണ് കേസ് രജിസ്റ്റര് ചെയ്തത്.
സംഘര്ഷസമയത്ത് പൊലീസിന് നേരെ യുഡിഎഫ് പ്രവര്ത്തകര് സ്ഫോടക വസ്തു എറിഞ്ഞുവെന്നത് ദൃശ്യങ്ങള് പരിശോധിച്ചതിലൂടെ സ്ഥിരീകരിച്ചതായും പൊലീസ് അറിയിച്ചു. എഫ്ഐആറില് ജീവന് അപായപ്പെടുത്തുക എന്ന ഉദ്ദേശ്യത്തോടെ സ്ഫോടക വസ്തു എറിഞ്ഞുവെന്നും, അത് പൊലീസുകാര്ക്കിടയില് ഉഗ്ര ശബ്ദത്തോടെ പൊട്ടിത്തെറിച്ചതായും രേഖപ്പെടുത്തിയിട്ടുണ്ട്.
സംഘര്ഷത്തിനിടെ എംപി ഷാഫി പറമ്പില് പരിക്കേറ്റിരുന്നു. സംഭവത്തില് ഷാഫി പറമ്പില് ഉള്പ്പെടെ ഏകദേശം എഴുന്നൂറോളം പേരെ പ്രതികളാക്കി പൊലീസ് കേസ് എടുത്തിട്ടുണ്ട്. സംഘര്ഷം സൃഷ്ടിച്ചവരെ കണ്ടെത്തി കര്ശന നടപടി സ്വീകരിക്കുമെന്ന് റൂറല് എസ്പി അറിയിച്ചു.
Comments
No comments yet. Be the first to comment!
Leave a Comment