തിരുവനന്തപുരം: സംസ്ഥാനത്ത് മഴ കനക്കും. വിവിധ ജില്ലകളില് കേന്ദ്ര കാലാവസ്ഥാ കേന്ദ്രം മഴ മുന്നറിയിപ്പ് നല്കി. രണ്ട് ജില്ലകളില് ഓറഞ്ച് അലേര്ട്ടും ഏഴ് ജില്ലകളില് യെല്ലോ അലേര്ട്ടുമാണ്. കണ്ണൂര്, കാസര്കോട് ജില്ലകളിലാണ് ഓറഞ്ച് അലേര്ട്ട്. എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് യെല്ലോ അലേര്ട്ട് പ്രഖ്യാപിച്ചത്.
വയനാട് ബാണാസുര സാഗര് അണക്കെട്ടിന്റെ സ്പില്വേ ഷട്ടറുകള് ഇന്ന് തുറക്കും.തിരുവനന്തപുരം ജില്ലയില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു. മറ്റ് ജില്ലകളില് മണിക്കൂറില് 40 കിലോമീറ്റര് വേഗതയില് കാറ്റിന് സാധ്യതയുള്ളതായും കേന്ദ്ര കാലാവസ്ഥാ കേന്ദ്രം മുന്നറിയിപ്പ് നല്കി. ന്യൂനമര്ദ്ദത്തിന്റെ ശക്തി വര്ധിക്കുന്നത് ലഭിക്കുന്ന മഴ അതേ അളവില് തുടരാന് ഇടയാകുമെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കുന്നു.
സംസ്ഥാനത്ത് വരും ദിവസങ്ങളിലും ശക്തമായ മഴ തുടരും. തിങ്കള് (17/08/2025), ചൊവ്വ (18/08/2025) ദിവസങ്ങളില് ഓറഞ്ച് അലേര്ട്ടുണ്ട്. തിങ്കളാഴ്ച കണ്ണൂര്, കാസര്കോട് ജില്ലകളിലും ചൊവ്വാഴ്ച കാസര്കോട് ജില്ലയിലുമാണ് ഓറഞ്ച് അലേര്ട്ട്. തിങ്കഴാഴ്ച മലപ്പുറം, കോഴിക്കോട്, വയനാട് ജില്ലകളില് യെല്ലോ അലേര്ട്ടും പ്രഖ്യാപിച്ചിട്ടുണ്ട്. ചൊവ്വാഴ്ച കോഴിക്കോട്, കണ്ണൂര് ജില്ലകളിലാണ് യെല്ലോ അലേര്ട്ട്. ബുധനാഴ്ച (20/08/2025) കണ്ണൂര്, കാസര്കോട് ജില്ലകളിലും യെല്ലോ അലേര്ട്ട് പ്രഖ്യാപിച്ചിട്ടുണ്ട്.
Comments
No comments yet. Be the first to comment!
Leave a Comment