ഛത്തീസ്ഗഢില് ജയിലില് കഴിയുന്ന കന്യാസ്ത്രീകളുടെ ജാമ്യാപേക്ഷ പരിഗണിക്കാതെ ദുര്ഗ് സെഷന്സ് കോടതി. പരിഗണിക്കാന് അധികാരമില്ലെന്ന് സെഷന്സ് കോടതി വ്യക്തമാക്കി. കന്യാസ്ത്രീകള് ജയിലില് തുടരും. മജിസ്ട്രേറ്റ് കോടതി അപേക്ഷ തള്ളിയത്തോടെയാണ് സെഷന്സ് കോടതിയില് അപ്പീല് നല്കിയത്.
മനുഷ്യക്കടത്ത്, മതപരിവര്ത്തനം എന്നീ കുറ്റങ്ങള് ചുമത്തിയിരിക്കുന്നതിനാല് അധികാരപരിധിയില് വരില്ലെന്ന കാരണം ചൂണ്ടിക്കാട്ടിയാണ് ദുര്ഗ് സെഷന്സ് കോടതി ജാമ്യാപേക്ഷ പരിഗണിക്കാന് വിസമ്മതിച്ചത്. ബിലാസ്പൂര് എന്ഐഎ കോടതിയെ സമീപിക്കാനാണ് നിര്ദേശമെന്ന് ബജ്റങ്ദള് അഭിഭാഷകന് പറഞ്ഞു.
മൂന്ന് ആദിവാസി പെണ്കുട്ടികളെ മതപരിവര്ത്തനത്തിനായി ആഗ്രയിലേക്ക് കൊണ്ടുപോകുന്നതായി ബജ്രംഗ്ദള് അംഗം നല്കിയ പരാതിയിലായിരുന്നു കന്യാസ്ത്രീകളെ അറസ്റ്റ് ചെയ്തത്. സിസ്റ്റര് പ്രീതി മേരി, സിസ്റ്റര് വന്ദനാ ഫ്രാന്സിസ് എന്നിവരെയാണ് അറസ്റ്റ് ചെയ്തത്.
Comments
No comments yet. Be the first to comment!
Leave a Comment