തിരുവനന്തപുരം: സംസ്ഥാനത്ത് ഇന്നും അതിശക്തമായ മഴ തുടരും. എല്ലാ ജില്ലകളിലും മഴ മുന്നറിയിപ്പ് നല്കിയിട്ടുണ്ട്. പത്തനംതിട്ട, കോട്ടയം എറണാകുളം, ഇടുക്കി ,തൃശൂര് ,പാലക്കാട് ,മലപ്പുറം, ജില്ലകളില് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. ബാക്കി എല്ലാ ജില്ലകളിലും യെല്ലോ മുന്നറിയിപ്പും നിലവിലുണ്ട്.
കേരളത്തിന്റെ അന്തരീക്ഷത്തില് പടിഞ്ഞാറന് - വടക്ക് പടിഞ്ഞാറന് കാറ്റ് ശക്തമാണ്. ഇതിന്റെ സ്വാധീനഫലമായാണ് മഴ തുടരുന്നത്. ബംഗാള് ഉള്ക്കടലിലെ ന്യൂനമര്ദം അതിതീവ്ര ന്യൂനമര്ദമായി മാറിയത് മഴയുടെ ശക്തി വര്ധിപ്പിക്കും. മഴയോടൊപ്പം മണിക്കൂറില് 40 മുതല് 50 കിലോമീറ്റര് വരെ വേഗത്തില് കാറ്റുവീശാനും സാധ്യതയുണ്ട്.
കനത്ത മഴ തുടരുന്ന സാഹചര്യത്തില് സംസ്ഥാനത്ത് ഇന്ന് 3 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിട്ടുണ്ട് .പത്തനംതിട്ട,കോട്ടയം,എറണാകുളം ജില്ലകളിലെ മുഴുവന് വിദ്യഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു. പ്രൊഫഷണല് കോളജുകള് ഉള്പ്പെടെയുള്ള വിദ്യഭ്യാസ സ്ഥാപനങ്ങള്ക്കാണ് അവധി.
Comments
No comments yet. Be the first to comment!
Leave a Comment