കേരളത്തില് കാലവര്ഷം വീണ്ടും ശക്തമാകുന്നു. അതിതീവ്രമഴയുടെ പശ്ചാത്തലത്തില് സംസ്ഥാനത്ത് വിവിധ ജില്ലകളില് ജാഗ്രത നിര്ദ്ദേശങ്ങള് പാലിക്കണമെന്ന് കാലാവസ്ഥാ വകുപ്പും ദുരന്തനിവാരണ അതോറിറ്റിയും അറിയിച്ചു.
കണ്ണൂര്, കാസര്ഗോഡ്, മലപ്പുറം, കോഴിക്കോട്, വയനാട് ജില്ലകളിലാണ് റെഡ് അലര്ട്ട് പ്രഖ്യാപിച്ചിരിക്കുന്നത്. ഇതിനുമുമ്പ് രണ്ട് ജില്ലകള്ക്ക് മാത്രമായിരുന്നു റെഡ് അലര്ട്ട് നല്കിയിരുന്നത്. മഴയുടെ തോത് വരും മണിക്കൂറുകളിലും കൂടുതല് ഉയരാന് സാധ്യതയുള്ളതിനാലാണ് മുന്നറിയിപ്പ് ശക്തമാക്കിയത്.
അതേസമയം, പത്തനംതിട്ട, കോട്ടയം, എറണാകുളം, ഇടുക്കി, തൃശൂര്, പാലക്കാട് എന്നീ ജില്ലകളില് ഓറഞ്ച് അലര്ട്ട് നിലവിലുണ്ട്. നാളെ ഒന്പത് ജില്ലകളിലും ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. സംസ്ഥാനത്തെ വിവിധ ഭാഗങ്ങളില് ശക്തമായ കാറ്റും തുടരുന്നു.
മഴ കനക്കാന് സാധ്യതയുണ്ടെന്നതിനാല്, മലവെള്ളപ്പാച്ചിലും മിന്നല്പ്രളയവും ഉണ്ടാകാം. താഴ്ന്ന പ്രദേശങ്ങള്, നഗരമേഖലകള് എന്നിവിടങ്ങളില് വെള്ളക്കെട്ട് രൂപപ്പെടാന് സാധ്യതയുള്ളതിനാല്, ജാഗ്രത വേണമെന്നും അധികൃതര് അറിയിച്ചു.
Comments
No comments yet. Be the first to comment!
Leave a Comment