മലപ്പുറം: പിവി അന്വര് നിലമ്പൂര് ഉപതിരഞ്ഞെടുപ്പില് മത്സരിക്കും. തൃണമൂല് കോണ്ഗ്രസ് അന്വറിന് പാര്ട്ടി ചിഹ്നം അനുവദിച്ചു. പി വി അന്വറിന്റെ സ്ഥാനാര്ത്ഥിത്വം സംബന്ധിച്ച് തൃണമൂല് കോണ്ഗ്രസ് ദേശീയ നേതൃത്വത്തിന്റെ ഔദ്യോഗിക പ്രഖ്യാപനം ഇന്ന് ഉണ്ടായേക്കും.
നാളെ(തിങ്കളാഴ്ച)യാണ് അന്വര് നാമനിര്ദേശ പത്രിക സമര്പ്പിക്കുകയെന്നും റിപ്പോര്ട്ടുകളുണ്ട്. കേരളത്തിന്റെ തിരഞ്ഞെടുപ്പ് ചുമതല തൃണമൂല് കോണ്ഗ്രസിന്റെ രാജ്യസഭയിലെ പാര്ലമെന്ററി പാര്ട്ടി നേതാവ് ഡെറിക് ഒബ്രിയാന്. തൃണമൂല് കോണ്ഗ്രസിന്റെ ആദ്യ സംഘം തെരഞ്ഞെടുപ്പ് പ്രവര്ത്തനങ്ങള് ഏകോപിപ്പിക്കുന്നതിന് ഇന്ന് കേരളത്തിലെത്തും.
തൃണമൂല് കോണ്ഗ്രസിന്റെ സ്ഥാനാര്ത്ഥിയായി പി വി അന്വര് മത്സരരംഗത്ത് എത്തുന്നതോടെ നിലമ്പൂരിലെ മത്സരം കടുക്കും. തൃണമൂല് കോണ്ഗ്രസിനെ സംബന്ധിച്ച് ദീര്ഘകാലമായുള്ള കേരള മിഷനില് നിലമ്പൂര് തിരഞ്ഞെടുപ്പ് ഒരു പ്രധാന ചുവടുവെയ്പ്പ് ആയേക്കുമെന്നും വിലയിരുത്തലുണ്ട്. അതേസമയം മത്സരിക്കുന്നതില് നിന്ന് പിവി അന്വറിനെ അനുനയിപ്പിക്കാനാന് യുഡിഎഫ് നീക്കമുണ്ടായിരുന്നു.രാഹുല് മാങ്കൂട്ടത്തില് പിവി അന്വറുമായി ഇന്നലെ രാത്രി കൂടിക്കാഴ്ച നടത്തിയിരുന്നു. എന്തായാലും മത്സരിക്കുന്നതില് പിവി അന്വറിന്റെ നിര്ണായക തീരുമാനവും ഇന്നുണ്ടായേക്കും.
Comments
No comments yet. Be the first to comment!
Leave a Comment