ശക്തമായ മഴ തുടരുന്ന സാഹചര്യത്തില് 3 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി. കോട്ടയം, കൊല്ലം, ഇടുക്കി ജില്ലകളിലാണ് അവധി പ്രഖ്യാപിച്ചത്. പ്രഫഷനല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കുമാണ് അവധി പ്രഖ്യാപിച്ചത്.
കോട്ടയം ജില്ലയിലെ പ്രഫഷനല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ശനിയാഴ്ച കലക്ടര് അവധി പ്രഖ്യാപിച്ചു. അങ്കണവാടികള്, അവധിക്കാല ക്ലാസുകള് നടത്തുന്ന വിദ്യാഭ്യാസ സ്ഥാപനങ്ങള്, ട്യൂഷന് സെന്ററുകള്, മറ്റ് അവധിക്കാല കലാ-കായിക പരിശീലന കേന്ദ്രങ്ങള്/ സ്ഥാപനങ്ങള്, മതപാഠശാലകള് എന്നിവയ്ക്കും അവധി ബാധകമായിരിക്കും. മുന്പ് നിശ്ചയിച്ചിട്ടുള്ള പരീക്ഷകള്ക്ക് അവധി ബാധകമല്ല.
കൊല്ലം ജില്ലയിലെ പ്രഫഷനല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും മഴയുടെ പശ്ചാത്തലത്തില് ശനിയാഴ്ച (മെയ് 31) ജില്ലാ കലക്ടര് അവധി പ്രഖ്യാപിച്ചു. ട്യൂഷന് സെന്ററുകളും പ്രവര്ത്തിക്കാന് പാടില്ല എന്ന് ജില്ലാ കലക്ടര് അറിയിച്ചു. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റമില്ല.
ഇടുക്കി ജില്ലയില് മഴയും ശക്തമായ കാറ്റും തുടരുന്ന സാഹചര്യത്തില് അപകടങ്ങള് ഒഴിവാക്കാനായി ജില്ലയിലെ അങ്കണവാടികള്, മദ്രസകള്, ട്യൂഷന് സെന്ററുകള്, ട്രെയിനിങ് ഇന്സ്റ്റിറ്റ്യൂട്ടുകള്, കേന്ദ്രീയ വിദ്യാലയം, പ്രഫഷനല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ (മെയ് 31) ജില്ലാ കലക്ടര് വി.വിഗ്നേശ്വരി അവധി പ്രഖ്യാപിച്ചു. റസിഡന്ഷ്യല് വിദ്യാഭ്യാസ സ്ഥാപനങ്ങള്ക്ക് അവധി ബാധകമല്ല.
Comments
No comments yet. Be the first to comment!
Leave a Comment