നിലമ്പൂര് ഉപതിരഞ്ഞെടുപ്പില് ആര്യാടന് ഷൗക്കത്ത് യുഡിഎഫ് സ്ഥാനാര്ഥിയാകും. എഐസിസി ഔദ്യോഗികമായി പ്രഖ്യാപിച്ചു. കെസി വേണുഗോപാല് ഒപ്പിട്ട കുറിപ്പ് പുറത്തിറങ്ങി.കൊച്ചിയില് ചേര്ന്ന കോണ്ഗ്രസ് നേതൃയോഗത്തിലാണ് ഷൗക്കത്ത് എന്ന ഒറ്റപ്പേരിലേക്ക് പാര്ട്ടി എത്തിയത.
നിലമ്പൂരില് നടക്കുന്ന നിയമസഭാ തിരഞ്ഞെടുപ്പില് ആര്യാടന് ഷൗക്കത്തിന് ഇത് രണ്ടാമൂഴമാണ്. 2016ലായിരുന്നു ആദ്യമത്സരം. നിലവില് കെപിസിസി ജനറല് സെക്രട്ടറിയായ ആര്യടന് ഷൗക്കത്ത് രാഷ്ട്രീയത്തിനൊപ്പം സിനിമ, സാംസ്കാരിക രംഗങ്ങളിലും തന്റേതായ ഇടം കണ്ടെത്തി. നിലമ്പൂര് നഗരസഭയായി മാറിയപ്പോള് പ്രഥമ ചെയര്മാനുമായിരുന്നു അദ്ദേഹം.
അതേസമയം ആര്യാടന് ഷൗക്കത്തിനെ യുഡിഎഫ് സ്ഥാനാര്ത്ഥിക്കുന്നതില് പിവി അന്വര് എതിര്പ്പ് പ്രകടിപ്പിച്ചിരുന്നു . ആര്യാടന് ഷൗക്കത്തിനെ സ്ഥാനാര്ഥിയാക്കാന് തീരുമാനിച്ചാല് മത്സരിക്കാനും തയ്യാര് എന്ന നിലപാടിലാണ് പിവി അന്വര് എന്നാണ് സൂചന. യുഡിഎഫ് സ്ഥാനാര്ത്ഥി വരട്ടെ, സ്ഥാനാര്ത്ഥിയോടൊപ്പം ഉണ്ടാകുമോ എന്ന് അതിനുശേഷം ആലോചിക്കാമെന്ന് പിവി അന്വര് നേരത്തെ പ്രതികരിച്ചിരുന്നു. സ്ഥാനാര്ഥിയായി ഏത് ചെകുത്താനെയും പിന്തുണയ്ക്കുമെന്ന് ഇന്നലെ പറഞ്ഞ അന്വര് ഇന്ന് തിരുത്തി. നല്ല ചെകുത്താന് ആകണമെന്നായിരുന്നു പ്രതികരണം.
Comments
No comments yet. Be the first to comment!
Leave a Comment