സംസ്ഥാനത്ത് എക്സൈസിന്റെ ഓപ്പറേഷന് ക്ലീന് സ്ലേറ്റിന്റെ ഭാഗമായി നടന്ന പരിശോധനയില് കഴിഞ്ഞ ഒരാഴ്ച്ചയ്ക്കിടെ പിടിച്ചെടുത്തത് 1.9 കോടിയുടെ ലഹരി വസ്തുക്കള്. പൊലീസ്, വനം, മോട്ടോര് വാഹന വകുപ്പ് തുടങ്ങിയ സേനകളുമായി ചേര്ന്നുള്ള 50 സംയുക്ത പരിശോധനയില് 555 പേരെ പിടികൂടുകയും മയക്കുമരുന്ന് കടത്തിയ 27 വാഹനങ്ങളും പിടിച്ചെടുത്തു. 554 മയക്കുമരുന്ന് കേസ് എക്സൈസ് രജിസ്റ്റര് ചെയ്തു. കേസുകളില് 570 പേര് പ്രതികളാണ്.
പരിശോധനയില് 64.46 ഗ്രാം എംഡിഎംഎ, 25.84 ഗ്രാം മെത്താംഫിറ്റമിന്, 39.56 ഗ്രാം ഹെറോയിന്, 14.5 ഗ്രാം ബ്രൌണ് ഷുഗര്, 12.82 ഗ്രാം നൈട്രോസെഫാം ഗുളികകള് എന്നിവ പിടികൂടി. 113.63 കിലോ കഞ്ചാവ്, 14.8 കിലോ കഞ്ചാവ് കലര്ത്തിയ ചോക്ലേറ്റ്, 96.8 ഗ്രാം കഞ്ചാവ് കലര്ത്തിയ ഭാംഗ്, 29.7 ഹാഷിഷ് ഓയില്, 20 ഗ്രാം ചരസ് എന്നിവയും പിടിച്ചെടുത്തു.
3568 റെയ്ഡുകളും 33709 വാഹന പരിശോധനയും നടന്നു. ഒളിവില് കഴിഞ്ഞിരുന്ന 26 പ്രതികളെയും എക്സൈസ് അറസ്റ്റ് ചെയ്തു. 450 അബ്കാരി കേസുകളും, 2028 പുകയില കേസുകളും പിടിച്ചിട്ടുണ്ട്. 10,430 ലിറ്റര് സ്പിരിറ്റ്, 931.64 ലിറ്റര് അനധികൃത വിദേശമദ്യം, 3048 ലിറ്റര് വാഷ്, 82 ലിറ്റര് ചാരായം, 289.66 കിലോ പുകയില ഉല്പ്പന്നങ്ങള് എന്നിവയും എക്സൈസ് പിടികൂടി. മാര്ച്ച് 5 മുതല് 12 വരെയായിരുന്നു എക്സൈസിന്റെ ഓപ്പറേഷന് ക്ലീന് സ്ലേറ്റ് നടന്നത്. ഇത് ഒരാഴ്ച കൂടി നീട്ടാനാണ് തീരുമാനം.
Comments
No comments yet. Be the first to comment!
Leave a Comment