കൊച്ചി : കളമശേരി സര്ക്കാര് പോളിടെക്നിക്കിലെ മെന്സ് ഹോസ്റ്റലില് നിന്ന് വന് കഞ്ചാവ് ശേഖരം പിടികൂടി. പൊലീസിന്റെ മിന്നല് പരിശോധനയില് 10 കിലോഗ്രാം കഞ്ചാവാണ് പിടിച്ചെടുത്തു. 3 വിദ്യാര്ഥികള് അറസ്റ്റിലായി. കൂട്ടാളികള് ഓടി രക്ഷപ്പെട്ടു. ഹരിപ്പാട് സ്വദേശി ആദിത്യന്, കരുനാഗപള്ളി സ്വദേശി അഭിരാജ് എന്നിവര്ക്കെതിരെയാണ് പൊലീസ് കേസെടുത്തത്. വിദ്യാര്ഥികളില് നിന്ന് രണ്ട് മൊബൈല്ഫോണും തിരിച്ചറിയല് രേഖകളും പിടിച്ചെടുത്തു.
ഇന്നലെ രാത്രിയാണ് പൊലീസ് മിന്നല് പരിശോധന നടത്തിയത്. രാത്രി തുടങ്ങിയ പരിശോധന ഇന്ന് പുലര്ച്ചെ നാല് മണി വരെ നീണ്ടു. റെയ്ഡിനായി ഡാന്സാഫ് സംഘം എത്തുമ്പോള് വിദ്യാര്ത്ഥികള് കഞ്ചാവ് അളന്ന് തൂക്കി ചെറിയ പായ്ക്കറ്റുകളിലേക്ക് മാറ്റുകയായിരുന്നുവെന്ന് റെയ്ഡിന് നേതൃത്വം നല്കിയ കൊച്ചി നര്ക്കോട്ടിക് സെല് എസിപി അബ്ദുല്സലാം മാധ്യമങ്ങളോട്് പറഞ്ഞു . തൂക്കി വില്പ്പനക്കുള്ള ത്രാസ് അടക്കം എല്ലാ സജ്ജീകരണങ്ങളും ഹോസ്റ്റല് മുറിയില് ഉണ്ടായിരുന്നു.
കേരളത്തിലെ ഒരു കോളജ് ഹോസ്റ്റലില് നിന്ന് ഇതാദ്യമായാണ് ഇത്രയേറെ കഞ്ചാവ് ശേഖരം പിടികൂടുന്നത്. കഞ്ചാവ് ഹോസ്റ്റലില് എത്തിച്ചു നല്കിയയാളെ തിരിച്ചറിഞ്ഞതായി പൊലീസ് അറിയിച്ചു. ഓടി രക്ഷപ്പെട്ട മൂന്ന് വിദ്യാര്ഥികള്ക്കായി തെരച്ചില് തുടരുകയാണ്.
Comments
No comments yet. Be the first to comment!
Leave a Comment