സംസ്ഥാനത്ത് മാര്ച്ച് ഒന്ന് മുതല് വാഹനങ്ങളുടെ ആര്സി ബുക്കുകള് പൂര്ണമായും ഡിജിറ്റലാകും. ആര്സി ബുക്കുകള് പ്രിന്റ് എടുത്ത് നല്കുന്നതിന് പകരമാണ് ഡിജിറ്റലായി നല്കുന്നത്. വാഹനം വാങ്ങി മണിക്കൂറുകള്ക്കുള്ളില് രജിസ്ട്രേഷന് പൂര്ത്തിയാക്കി പരിവാഹന് വെബ്സൈറ്റില് നിന്നും ആര്സി ബുക്ക് ഡൗണ്ലോഡ് ചെയ്യാനാകും.
മോട്ടര് വാഹന വകുപ്പ് ആധുനികവല്ക്കരണത്തിന്റെ ഭാഗമായാണ് നടപടി. എല്ലാ വാഹന ഉടമകളും ആര്സി ബുക്ക് ആധാറില് കൊടുത്ത മൊബൈല് നമ്പറുമായി ബന്ധിപ്പിക്കണമെന്നും ഗതാഗത കമ്മിഷണര് നിര്ദേശിച്ചു. ഉടമസ്ഥാവകാശം മാറ്റല്, ഹൈപ്പോത്തിക്കേഷന് മാറ്റം തുടങ്ങിയ കാര്യങ്ങള്ക്ക് ഇത് ഉപയോഗപ്പെടും.
നേരത്തെ ആര്സി ബുക്ക് ലഭിക്കാന് കാലതാമസം നേരിട്ടിരുന്നു. ഡിജിറ്റലാകുന്നതോടെ വേഗത്തില് ആര്സി ബുക്ക് ലഭിക്കും. വാഹനങ്ങള് കൈമാറ്റം ചെയ്തശേഷവും ആര്സി ബുക്കുമായി ലിങ്ക് ചെയ്തിരിക്കുന്ന നമ്പര് മാറ്റാത്ത സാഹചര്യമുണ്ടെന്നും ഇതൊഴിവാക്കാനായി വാഹന ഉടമകള് ഈ മാസം തന്നെ നമ്പറുകള് അപ്ഡേറ്റ് ചെയ്യണമെന്നുമാണ് നിര്ദേശം.
Comments
No comments yet. Be the first to comment!
Leave a Comment