ചാനല് ചര്ച്ചയിലെ വിദ്വേഷ പരാമര്ശത്തില് പിസി ജോര്ജിന്റെ മുന്കൂര് ജാമ്യാപേക്ഷ തള്ളി. കോട്ടയം ജില്ലാ സെഷന്സ് കോടതിയാണ് മുന്കൂര് ജാമ്യ ഹര്ജി തള്ളിയത്. ഹൈക്കോടതിയില് അപ്പില് പോകുമെന്ന് പിസി ജോര്ജ് അറിയിച്ചു.
മതസ്പര്ധ വളര്ത്തല്, കലാപാഹ്വാനം, സാമൂഹിക വിരുദ്ധ പ്രവര്ത്തനം തുടങ്ങി ജാമ്യമില്ല വകുപ്പുകള് ചുമത്തിയാണ് ഈരാറ്റുപേട്ട പൊലീസ് കേസെടുത്തത്. യൂത്ത് ലീഗ് നല്കിയ പരാതിയിലാണ് പൊലീസ് നടപടി. പിസി ജോര്ജിനെ സംരക്ഷിക്കുന്ന പൊലീസ് സമീപനത്തിനെതിരെ ശക്തമായ വിമര്ശനവും പ്രതിഷേധവും ഉയര്ന്ന സാഹചര്യത്തിലാണ് ഒടുവില് കേസെടുത്തത്.
പരാതിക്കാരനായ യൂത്ത് ലീഗ് ഈരാറ്റുപേട്ട മുന്സിപ്പല് കമ്മിറ്റി പ്രസിഡന്റ് യഹിയ സലിമിന്റെ മൊഴി പൊലീസ് രേഖപ്പെടുത്തിയിരുന്നു. യൂത്ത് ലീഗ്, എസ്ഡിപിഐ, വെല്ഫയര് പാര്ട്ടി എന്നിവരുടെയടക്കം ഏഴ് പരാതികളാണ് സംസ്ഥാനത്ത് വിവിധ പൊലീസ് സ്റ്റേഷനില് ലഭിച്ചത്.
Comments
No comments yet. Be the first to comment!
Leave a Comment