യു.പിയിലെ മെഡിക്കൽ കോളേജിൽ തീ പിടിത്തം: 10 നവജാത ശിശുക്കൾക്ക് ദാരുണാന്ത്യം; 16 കുഞ്ഞുങ്ങൾക്ക്‌ പൊള്ളലേറ്റു.

ഝാൻസി: ഉത്തർപ്രദേശ് ഝാൻസിയിലെ മഹാറാണി ലക്ഷ്മിഭായ് മെഡിക്കൽ കോളേജിലെ നവജാത ശിശുക്കളുടെ തീവ്രപരിചരണ വിഭാഗത്തിൽ വൻ തീപിടിത്തം. എൻഐസിയുവിലുണ്ടായ തീപിടിത്തത്തിൽ 10 നവജാത ശിശുക്കൾ മരിച്ചതായി അധികൃതർ അറിയിച്ചു. 16 കുഞ്ഞുങ്ങൾക്ക്‌ പൊള്ളലേറ്റു. 

വെള്ളിയാഴ്ച രാത്രി 10.35 ഓടെയാണ് തീപിടിത്തമുണ്ടായത്. 37 കുട്ടികളാണ് ഈ സമയം ഐ.സി.യു വിൽ ഉണ്ടായിരുന്നത്. മരണസംഖ്യ ഉയരാൻ സാധ്യതയുണ്ടെന്ന് ബന്ധപ്പെട്ട ഉദ്യോ​ഗസ്ഥരെ ഉദ്ധരിച്ച് ദേശീയമാധ്യമങ്ങൾ റിപ്പോർട്ട് ചെയ്തു. 

ഷോർട്ട് സർക്യൂട്ടാണ് അപകട കാരണമെന്നാണ് പ്രഥമിക നി​ഗമനം. വിശദ്ധമായ അന്വേഷനത്തിന് കമ്മിറ്റി രൂപീകരിച്ചു. ആറ് ഫയർ എഞ്ചിനുകൾ സ്ഥലത്തിയാണ് തീ അണച്ചത്. കുട്ടികളുടെ മരണം അങ്ങേയറ്റം ദുഃഖകരവും ഹൃദയഭേദകവുമാണെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ് എക്സിൽ കുറിച്ചു.