തിരുവനന്തപുരം: കോണ്‍ഗ്രസ് നേതാവ് ബി.ആര്‍.എം. ഷെഫീറിന്റെ ഭാര്യയുടെ നിയമനവുമായി ബന്ധപ്പെട്ട വിവാദത്തില്‍ പ്രതികരണവുമായി മന്ത്രി കെ. മുരളീധരന്‍. കോണ്‍ഗ്രസ് നേതാവിന്റെ ഭാര്യക്ക് നിയമനം നല്‍കാന്‍ പാടില്ലെന്നുണ്ടോയെന്ന് മന്ത്രി ചോദിച്ചു. നിയമം നിയമത്തിന്റെ വഴിക്ക് പോകട്ടെയെന്നും നിയമനവുമായി ബന്ധപ്പെട്ട വിഷയത്തില്‍ കോടതിയാണ് തീരുമാനമെടുക്കേണ്ടതെന്നും അദ്ദേഹം വ്യക്തമാക്കി.
ഡി.എച്ച്.എസ് നിയമനവുമായി ബന്ധപ്പെട്ട് കോടതിയെ സമീപിക്കാന്‍ എല്ലാവര്‍ക്കും അവകാശമുണ്ടെന്നും മന്ത്രി പറഞ്ഞു. ആരോഗ്യവകുപ്പിലെ മന്ത്രി-സെക്രട്ടറി തര്‍ക്കങ്ങള്‍ വകുപ്പിന്റെ പ്രവര്‍ത്തനങ്ങളെ ബാധിക്കാറില്ലെന്നും അദ്ദേഹം കൂട്ടിച്ചേര്‍ത്തു.
ഇടനിലക്കാരെ ഒഴിവാക്കിയാണ് മരുന്ന് വാങ്ങുന്നതെന്നും കുറഞ്ഞ വിലയില്‍ ഗുണമേന്മയുള്ള മരുന്നുകള്‍ രോഗികള്‍ക്ക് ലഭ്യമാക്കുകയാണ് ലക്ഷ്യമെന്നും മന്ത്രി പറഞ്ഞു.
സി.എം.ആര്‍.എല്‍-എക്‌സാലോജിക് സാമ്പത്തിക ഇടപാട് കേസില്‍ മുന്‍ മുഖ്യമന്ത്രി പിണറായി വിജയനെതിരെ നിയമനടപടികള്‍ സ്വീകരിക്കുന്നതുമായി ബന്ധപ്പെട്ടും മന്ത്രി പ്രതികരിച്ചു. ഹൈക്കോടതിയുടെ നിര്‍ദേശമനുസരിച്ച് സര്‍ക്കാര്‍ പ്രവര്‍ത്തിക്കും. സര്‍ക്കാരിന് അപ്പീല്‍ പോകേണ്ട ആവശ്യമില്ലെന്നും പ്രതിപക്ഷ നേതാവിന് വേണമെങ്കില്‍ അപ്പീല്‍ നല്‍കാമെന്നും അദ്ദേഹം വ്യക്തമാക്കി.
അതേസമയം, സി.എം.ആര്‍.എല്‍-എക്‌സാലോജിക് സാമ്പത്തിക ഇടപാടില്‍ പിണറായി വിജയനെതിരെ സര്‍ക്കാര്‍ നിയമനടപടികളുമായി മുന്നോട്ടുപോകുമെന്നും തിങ്കളാഴ്ച തന്നെ എഫ്.ഐ.ആര്‍ രജിസ്റ്റര്‍ ചെയ്യുമെന്നും ആഭ്യന്തര മന്ത്രി രമേശ് ചെന്നിത്തല പറഞ്ഞതായി റിപ്പോര്‍ട്ടുണ്ട്.
Comments
No comments yet. Be the first to comment!
Leave a Comment