രണ്ടാമത്തെ ബലാത്സംഗക്കേസിലും മുന്കൂര് ജാമ്യം തേടി കോണ്ഗ്രസ് എംഎല്എ രാഹുല് മാങ്കൂട്ടത്തില് തിരുവനന്തപുരം ജില്ലാ സെഷന്സ് കോടതിയെ സമീപിച്ചു. അറസ്റ്റ് തടയണമെന്നാവശ്യപ്പെട്ട് ഉപഹര്ജിയും സമര്പ്പിച്ചിരിക്കുകയാണ്. കേസ് രാഷ്ട്രീയപ്രേരിതമാണെന്നതാണ് പ്രതിഭാഗത്തിന്റെ വാദം.
ലൈംഗിക ചൂഷണവുമായി ബന്ധപ്പെട്ട് രാഹുല് മാങ്കൂട്ടത്തിനെതിരായ ആദ്യ കേസില് ഹൈക്കോടതി അറസ്റ്റ് തടഞ്ഞതിനെ തുടര്ന്നാണ് രണ്ടാമത്തെ കേസിലും മുന്കൂര് ജാമ്യത്തിന് അപേക്ഷ നല്കിയത്. മറ്റൊരു യുവതിയും രാഹുലിനെതിരെ പരാതി നല്കിയതിനെ തുടര്ന്ന് ഈ കേസിലും എഫ്ഐആര് രജിസ്റ്റര് ചെയ്തിരുന്നു. ഈ സാഹചര്യത്തില് പൊലീസ് അറസ്റ്റ് നടത്താന് സാധ്യമാകുന്നതിനാലാണ് മുന്കൂര് ജാമ്യം ആവശ്യപ്പെട്ടത്. ഹര്ജി ഉടന് പരിഗണിക്കുമെന്നാണ് വിവരം.
ആദ്യ കേസിലെ അറസ്റ്റ് തടഞ്ഞ ഹര്ജി ഡിസംബര് 15ന് വീണ്ടും പരിഗണിക്കാനിരിക്കുകയാണ്. കേസന്വേഷിക്കുന്ന പ്രത്യേക അന്വേഷണ സംഘത്തോടും പൊലീസിനോടും കോടതി വിശദമായ റിപ്പോര്ട്ട് നല്കണമെന്ന് നിര്ദേശിച്ചിട്ടുണ്ട്. തിരുവനന്തപുരം പ്രിന്സിപ്പല് സെഷന്സ് കോടതി മുന്കൂര് ജാമ്യം തള്ളിയതിനെ തുടര്ന്നാണ് രാഹുല് ഹൈക്കോടതിയെ സമീപിച്ചത്.
Comments
No comments yet. Be the first to comment!
Leave a Comment