തിരുവനന്തപുരം: പത്മനാഭസ്വാമി ക്ഷേത്രത്തില് 25 ലിറ്റര് പാല് മോഷ്ടിച്ച ജീവനക്കാരന് പിടിയില്. അസിസ്റ്റന്റ് സ്റ്റോര് കീപ്പര് സുനില്കുമാറാണ് പിടിയിലായത്. ക്ഷേത്ര വിജിലന്സ് ആണ് ഇയാളെ പിടികൂടിയത്. മോഷണം മറച്ചുവെയ്ക്കാന് ശ്രമം നടന്നതായും ആരോപണമുയരുന്നുണ്ട്.
തുടര്ച്ചയായി പാല് മോഷണം പോകുന്നുവെന്നാരോപിച്ച് ക്ഷേത്ര വിജിലന്സ് സ്ഥലത്ത് നിരീക്ഷണം ശക്തമാക്കിയിരുന്നു. പിന്നീട് സിസിടിവി ദൃശ്യങ്ങള് പരിശോധിക്കവെയാണ് അസിസ്റ്റന്റ് സ്റ്റോര് കീപ്പര് പാല് മോഷണം നടത്തിയതായി കണ്ടെത്തിയത്. ജീവനക്കാരനെതിരെ ഇതുവരെ നടപടി സ്വീകരിച്ചിട്ടില്ല.
കഴിഞ്ഞമാസം ക്ഷേത്രത്തില് 13 പവന്റെ സ്വര്ണദണ്ഡ് കാണാതായിരുന്നു. പിന്നാലെ രണ്ടു ദിവസത്തിനുശേഷം മണലില് പൊതിഞ്ഞനിലയില് സ്വര്ണദണ്ഡ് കണ്ടെത്തിയിരുന്നു. സംഭവത്തില് എട്ട് പേരെ നുണപരിശോധനയ്ക്ക് വിധേയരാക്കണമെന്നാവശ്യപ്പെട്ട് ഫോര്ട്ട് പൊലീസ് കോടതിയെ സമീപിച്ചിരുന്നു. അഞ്ച് ക്ഷേത്ര ജീവനക്കാരും ശ്രീകോവിലിന്റെ വാതില് സ്വര്ണം പൊതിയുന്ന ജോലിചെയ്ത മൂന്ന് പേരും ഉള്പ്പെടെ എട്ടുപേര്ക്കായിരുന്നു നുണപരിശോധന.
Comments
No comments yet. Be the first to comment!
Leave a Comment