ഭരണങ്ങാനം വിലങ്ങുപാറ മീനച്ചിലാറ്റില് കാണാതായ വിദ്യാര്ഥികളില് ഒരാളുടെ മൃതദേഹം കണ്ടെത്തി. കടവിന് 200 മീറ്റര് മാത്രം മാറി അമ്പലക്കടവിന് സമീപത്തുനിന്നാണ് മൃതദേഹം കിട്ടിയത്. മുണ്ടക്കയം സ്വദേശിയായ ആബിന് ജോസഫിന്റെ മൃതദേഹമാണ് ലഭിച്ചത്.
ഇനി കണ്ടെത്താനുള്ളത് അടിമാലി പൊളിഞ്ഞപാലം കൈപ്പന്പ്ലാക്കല് ജോമോന് ജോസഫിന്റെ മകന് അമല് കെ.ജോമോന് (18) ആണ്. ഭരണങ്ങാനം ഭാഗത്തുള്ള അസ്സിസ്സി ഇന്സ്റ്റിറ്റ്യൂട്ട് ഒഫ് ഫോറിന് ലാംഗ്വേജസില് ജര്മന് ഭാഷാ പഠനത്തിനായി എത്തിയവരാണ് അപകടത്തില്പ്പെട്ടത്.
ഇന്നലെയും ഇന്നുമായി പലതവണ തിരച്ചില് നടത്തിയിരുന്നെങ്കിലും ഇരുവരെയും കണ്ടെത്താന് സാധിച്ചിരുന്നില്ല. ഇന്നലെ രാത്രി വൈകിയതോടെ കാഴ്ചാ പരിമിതി മൂലമാണ് തിരച്ചില് നിര്ത്തിയത്.
Comments
No comments yet. Be the first to comment!
Leave a Comment