യാങ്കൂണ്: ഭൂചലനത്തില് മ്യാന്മാറില് ആയിരക്കണക്കിന് ആളുകള് മരിച്ചിരിക്കാമെന്ന് യുണൈറ്റഡ് സ്റ്റേറ്റ്സ് ജിയോളജിക്കല് സര്വേ. മരണസംഖ്യയും പരുക്കേറ്റവരുടെ എണ്ണവും ഉയരുമെന്നും മ്യാന്മാര് ഭരണകൂട മേധാവി മിന് ഓങ് ഹ്ലെയിങ് പറഞ്ഞു. ദുരന്തത്തില് കൊല്ലപ്പെട്ടവരുടെ എണ്ണം 150 കടന്നു.
അതേസമയം നിരവധി പേര് കെട്ടിടാവശിഷ്ടങ്ങള്ക്കിടയില് കുടുങ്ങികിടക്കുന്നുവെന്നാണ് വിവരം. മ്യാന്മറില് മാത്രം 144 പേര് മരിച്ചെന്ന് സൈന്യം അറിയിച്ചു. അതിശക്തമായ ഭൂചലനത്തില് മ്യാന്മാറില് 144 പേര് കൊല്ലപ്പെടുകയും 730 പേര്ക്ക് പരുക്കേല്ക്കുകയും ചെയ്തതായി രാജ്യത്തെ സൈനിക സര്ക്കാര് അറിയിച്ചിരുന്നു.
മ്യാന്മാര് ഭരണകൂട മേധാവി മിന് ഓങ് ഹ്ലെയിങ് അടിയന്തരാവസ്ഥ പ്രഖ്യാപിക്കുകയും അന്താരാഷ്ട്ര സഹായത്തിനായി അഭ്യര്ത്ഥിക്കുകയും ചെയ്തു. ആറ് പ്രവിശ്യകളിലാണ് പട്ടാളം ദുരന്തകാല അടിയന്തരാവസ്ഥ പ്രഖ്യാപിച്ചിരിക്കുന്നത്. തായ്ലന്ഡ് തലസ്ഥാനമായ ബാങ്കോക്കിലും അടിയന്തരാവസ്ഥ പ്രഖ്യാപിച്ചിട്ടുണ്ട്.
Comments
No comments yet. Be the first to comment!
Leave a Comment