പ്രധാനമന്ത്രിയുടെ ക്ഷണം സ്വീകരിച്ച് റഷ്യന്‍ പ്രസിഡന്റ് പുടിന്‍ ഇന്ത്യയിലേക്കെത്തുന്നു

റഷ്യന്‍ പ്രസിഡന്റ് വ്‌ളാഡിമിര്‍ പുടിന്‍ ഇന്ത്യ സന്ദര്‍ശിക്കും എന്ന് റഷ്യയുടെ വിദേശകാര്യ മന്ത്രി സെര്‍ജി ലാവ്‌റോവ് സ്ഥിരീകരിച്ചു. സന്ദര്‍ശനത്തിനുള്ള ക്രമീകരണങ്ങള്‍ പുരോഗമിച്ചുകൊണ്ടിരിക്കുകയാണെന്ന് റഷ്യന്‍ വാര്‍ത്താ ഏജന്‍സിയായ ടാസ് റിപ്പോര്‍ട്ട് ചെയ്യുന്നു. ഇന്ത്യന്‍ പ്രധാനമന്ത്രി നരേന്ദ്രമോദിയുടെ ക്ഷണം സ്വീകരിച്ചാണ് പുടിന്‍ ഇന്ത്യയിലേക്ക് വരുന്നതെന്നും ലാവ്‌റോവ് അറിയിച്ചു.

കഴിഞ്ഞ വര്‍ഷം പ്രധാനമന്ത്രി നരേന്ദ്രമോദി രണ്ടുതവണ റഷ്യ സന്ദര്‍ശിച്ചിരുന്നു . 2000ലെ തന്ത്രപരമായ പങ്കാളിത്ത പ്രഖ്യാപനത്തിലെ കരാറുകളുടെ ഭാഗമായി ജൂലായില്‍ നടന്ന ആദ്യ സന്ദര്‍ശനത്തിന് പിന്നാലെ, ഒക്ടോബറില്‍ കസാനില്‍ നടന്ന 16ാമത് ബ്രിക്‌സ് ഉച്ചകോടിയില്‍ പങ്കെടുക്കുന്നതിനായും അദ്ദേഹം വീണ്ടും റഷ്യയിലെത്തി. പ്രധാന അന്താരാഷ്ട്ര വിഷയങ്ങളില്‍ ഇടപെടുന്നതിന്റെ ഭാഗമായി, ടെലിഫോണ്‍ സംഭാഷണങ്ങളിലൂടെയും നേരിട്ടുള്ള കൂടിക്കാഴ്ചകളിലൂടെയും പുടിനും മോദിയും സ്ഥിരമായി ഉഷ്ണബന്ധം പുലര്‍ത്തിവരുന്നുണ്ട്. ഇതോടെയാണ് പ്രധാനമന്ത്രിയുടെ ക്ഷണം സ്വീകരിക്കാന്‍ അദ്ദേഹം തയ്യാറായത്. 

റഷ്യയുടെ ഉക്രെയ്ന്‍ അധിനിവേശത്തിന് ശേഷം, ഇന്ത്യറഷ്യ ബന്ധം വെല്ലുവിളിയേറിയ ഘട്ടത്തിലൂടെ കടന്നുപോവുകയാണ്. ഈ സാഹചര്യം മെച്ചപ്പെടുത്താനാണ് ഇരു രാജ്യങ്ങളും ശ്രമിക്കുന്നത്.