തിരുവനന്തപുരം: സെക്രട്ടറിയേറ്റിന് മുന്നില് എല്പിഎസ്ടി റാങ്ക് ഹോള്ഡര്മാര് നടത്തിവരുന്ന സമരം തുടരാന് തീരുമാനം. സര്ക്കാരിന്റെ ഭാഗത്തുനിന്ന് അനുകൂലമായ അന്തിമ തീരുമാനം ഉണ്ടായാല് മാത്രമേ നിരാഹാര സമരം അവസാനിപ്പിക്കുകയുള്ളൂവെന്ന് സമരസമിതി നേതാവ് എസ്. വളര്മതി വ്യക്തമാക്കി. വിഷയത്തില് അടുത്ത ബുധനാഴ്ചയ്ക്കകം വീണ്ടും ചര്ച്ച നടത്താമെന്ന് വിദ്യാഭ്യാസ മന്ത്രി ഉറപ്പുനല്കിയിട്ടുണ്ട്.
ഇന്നത്തെ ചര്ച്ച പരാജയമാണെന്ന് പറയാനാകില്ലെന്നും ഇപ്പോഴും പ്രതീക്ഷയുണ്ടെന്നും എസ്. വളര്മതി പ്രതികരിച്ചു. മുഖ്യമന്ത്രിക്ക് അടിയന്തരമായി ഡല്ഹിയിലേക്ക് പോകേണ്ടി വന്നതിനാലാണ് മറ്റ് കാര്യങ്ങളില് അന്തിമ തീരുമാനത്തിലെത്താന് കഴിയാതിരുന്നത്. നിയമപരമായ ചില തടസ്സങ്ങള് കാരണമാണ് നേരത്തെ പ്രഖ്യാപിച്ച 18 അധ്യാപക റാങ്ക് ലിസ്റ്റുകളുടെ കാലാവധി നീട്ടാന് സാധിക്കാതിരുന്നത്. എല്പിഎസ്ടി ലിസ്റ്റിന്റെ കാര്യവും നിയമപരമായി പരിശോധിക്കേണ്ടതുണ്ടെന്ന് മന്ത്രി അറിയിച്ചു. എല്ലാ വിഷയങ്ങളും പരിശോധിച്ച് അടുത്ത ബുധനാഴ്ചയ്ക്കകം വീണ്ടും ചര്ച്ച നടത്തി അന്തിമ തീരുമാനമെടുക്കാമെന്നും, നിയമനങ്ങള് നടക്കുന്ന രീതിയിലുള്ള അനുകൂല നടപടി സര്ക്കാരിന്റെ ഭാഗത്തുനിന്നുണ്ടാകുമെന്നും ഉറപ്പ് ലഭിച്ചതായി വളര്മതി പറഞ്ഞു.
വിദ്യാര്ഥി-അധ്യാപക അനുപാതം കുറയ്ക്കാന് കഴിയില്ലെങ്കില് വിരമിക്കല് ഒഴിവുകള് (റിട്ടയര്മെന്റ് വേക്കന്സി) റാങ്ക് ഹോള്ഡര്മാര്ക്ക് നല്കണമെന്നാണ് സമരക്കാരുടെ പ്രധാന ആവശ്യം. കൂടാതെ, ഡിവിഷന് ഫാള് മൂലം പുറത്താക്കുന്ന അധ്യാപകരെ സര്ക്കാര് സംരക്ഷിക്കണമെന്നും ഇവര് ആവശ്യപ്പെടുന്നു.
അതേസമയം, വിദ്യാര്ഥി-അധ്യാപക അനുപാതം കുറയ്ക്കണമെന്ന ആവശ്യത്തില് കൂടുതല് ചര്ച്ചകള് ആവശ്യമാണെന്ന നിലപാടിലാണ് സര്ക്കാര്. മന്ത്രിസഭായോഗത്തില് ധനവകുപ്പ് ഈ ആവശ്യത്തെ എതിര്ത്തിരുന്നു. സമരക്കാരോട് അനുഭാവപൂര്വ്വമായ സമീപനമാണുള്ളതെന്നും തുടര്ചര്ച്ചകള്ക്ക് തടസ്സമില്ലെന്നും വിദ്യാഭ്യാസ മന്ത്രി എന്. ഷംസുദ്ദീന് പ്രതികരിച്ചു.


Comments
No comments yet. Be the first to comment!
Leave a Comment