മുന് മുഖ്യമന്ത്രിയും സിപിഐഎം നേതാവുമായിരുന്ന വി എസ് അച്യുതാനന്ദന് മരണാനന്തര ബഹുമതിയായി ലഭിച്ച പത്മവിഭൂഷണ് പുരസ്കാരം കുടുംബം സ്വീകരിക്കില്ല. സിപിഐഎം നേതൃത്വവുമായി നടത്തിയ ചര്ച്ചകള്ക്കുശേഷമാണ് കുടുംബം ഈ തീരുമാനത്തിലെത്തിയത്.
പത്മ പുരസ്കാരങ്ങള് സ്വീകരിക്കുന്ന കീഴ്വഴക്കം സിപിഐഎമ്മിനില്ലെന്ന നിലപാട് പാര്ട്ടി കുടുംബത്തെ അറിയിച്ചതായി വ്യക്തമാക്കി. പാര്ട്ടിയുടെ തീരുമാനത്തിന് ഒപ്പം നില്ക്കുമെന്ന് വി എസ് അച്യുതാനന്ദന്റെ മകന് വി എ അരുണ് കുമാര് നേരത്തെ തന്നെ അറിയിച്ചിരുന്നു.
ഈ വിഷയത്തില് സിപിഐഎം ദേശീയ ജനറല് സെക്രട്ടറി എം എ ബേബിയുമായി വി എസ് അച്യുതാനന്ദന്റെ കുടുംബം ആശയവിനിമയം നടത്തിയിരുന്നു. വി എസ് ജീവിച്ചിരുന്നെങ്കില് പത്മവിഭൂഷണ് പുരസ്കാരം നിരസിക്കുമായിരുന്നുവെന്നതാണ് പാര്ട്ടിയും കുടുംബവും ഒരുമിച്ച് വ്യക്തമാക്കുന്നത്.
Comments
No comments yet. Be the first to comment!
Leave a Comment