ബംഗളൂരു: ഇഡി റെയ്ഡിനിടെ കോണ്ഫിഡന്റ് ഗ്രൂപ്പ് ഉടമ സി.ജെ റോയ് സ്വയം വെടിവെച്ചു മരിച്ചു. ബംഗളൂരുവിലെ ഓഫീസിലും കഫെയിലും ഇഡി റെയ്ഡ് നടത്തിയിരുന്നു. ഇഡി ഉദ്യോഗസ്ഥര് ആവശ്യപ്പെട്ടതനുസരിച്ച് ഉച്ചക്ക് ശേഷമാണ് റോയ് ഓഫീസിലെത്തിയത്. ഒന്നര മണിക്കൂറോളം ഇഡി റോയിയെ ചോദ്യം ചെയ്തിരുന്നു. ഇതിന് പിന്നാലെയാണ് അദ്ദേഹം ജീവനൊടുക്കിയത്.
അശോക് നഗറിലെ ഹൊസൂര് റോഡിലാണ് കോണ്ഫിഡന്റ് ഗ്രൂപ്പിന്റെ ഓഫീസ്. ഉന്നത പൊലീസ് ഉദ്യോഗസ്ഥരടക്കം സ്ഥലത്തെത്തിയിട്ടുണ്ട്. ഓഫീസ് പൂര്ണമായും പൊലീസ് നിയന്ത്രണത്തിലാണ്. നാരായണ ഹോസ്പിറ്റലിലാണ് റോയിയുടെ മൃതദേഹം ഉള്ളത്.
റിയല് എസ്റ്റേറ്റ് രംഗത്താണ് കോണ്ഫിഡന്റ് ഗ്രൂപ്പ് പ്രവര്ത്തിക്കുന്നത്. കേരളത്തിനകത്തും പുറത്തും ഗള്ഫിലും ഗ്രൂപ്പിന് നിരവധി സംരംഭങ്ങളുണ്ട്. ഭൂമി വാങ്ങിയതുമായി ബന്ധപ്പെട്ടാണ് ഇഡി റെയ്ഡ് നടന്നത് എന്നാണ് സൂചന. കേരളത്തിലും ബംഗളൂരുവിലും ഗള്ഫിലും കമ്പനിക്ക് നിക്ഷേപമുണ്ട്. സിനിമാ നിര്മാണരംഗത്തും റോയ് പ്രവര്ത്തിച്ചിരുന്നു. നാല് സിനിമകള് സി.ജെ റോയ് നിര്മിച്ചിട്ടുണ്ട്
Comments
No comments yet. Be the first to comment!
Leave a Comment