യഥാര്‍ത്ഥ ഗൂഢാലോചന നടന്നത് തനിക്കെതിരെ; ദിലീപ്

നടിയെ ആക്രമിച്ച കേസില്‍ എട്ടാം പ്രതിയായ ദിലീപിനെ കോടതി വെറുതെ വിട്ടു. ഗൂഢാലോചനയുടെ ആരോപണം തെളിയിക്കാനാകാത്തതിനാലാണ് മോചനം. ഗൂഢാലോചന ഉണ്ടായെന്ന മഞ്ജു വാര്യരുടെ മൊഴിയുടെ അടിസ്ഥാനത്തിലാണ് അന്വേഷണം മുന്നോട്ട് പോയതെന്ന് ദിലീപ് പ്രതികരിച്ചു.

മുഖ്യപ്രതിയെ സഹായിച്ച് പൊലീസ് കള്ളക്കഥ സൃഷ്ടിച്ചതാണെന്നും അത് ഇപ്പോള്‍ തകര്‍ന്നുവീണതായും ദിലീപ് ആരോപിച്ചു. യഥാര്‍ഥ ഗൂഢാലോചന തനിക്കെതിരെയാണെന്നും അദ്ദേഹം വ്യക്തമാക്കി. ഒപ്പം നിന്നവരോടും കോടതിയില്‍ വാദിച്ച അഭിഭാഷകരോടും ദിലീപ് നന്ദി രേഖപ്പെടുത്തി.

തന്റെ ജീവിതവും കരിയറും തകര്‍ന്നുവെന്നും, എന്നാല്‍ സത്യം ജയിക്കുമെന്ന വിശ്വാസമാണ് തനിക്കു കരുത്തായതെന്നും ദിലീപ് പറഞ്ഞു. നടനെ പിന്തുണച്ച് ദിലീപ് ഫാന്‍സ് അസോസിയേഷന്‍ പ്രതികരിച്ചുകൊണ്ട്, നമ്പി നാരായണന് ശേഷം ഏറ്റവും വലിയ വേട്ടയാടല്‍ നേരിട്ടത് ദിലീപാണെന്നും സത്യം വിജയിച്ചതാണെന്നും അവര്‍ അഭിപ്രായപ്പെട്ടു.