ബിഹാര് നിയമസഭാ തിരഞ്ഞെടുപ്പിന്റെ രണ്ടാംഘട്ട വോട്ടെടുപ്പ് ആരംഭിച്ചു. 20 ജില്ലകളിലായി 122 മണ്ഡലങ്ങളിലാണ് ഇന്ന് ജനവിധി. 1300-ല് അധികം സ്ഥാനാര്ഥികളാണ് ഈ ഘട്ടത്തില് മത്സരരംഗത്തുള്ളത്. രാവിലെ 7 മുതല് വൈകീട്ട് 6 മണി വരെയാണ് പോളിംഗ് എങ്കിലും പ്രശ്ന ബാധിത ബൂത്തുകളില് 5 മണിയോടെ പോളിംഗ് അവസാനിക്കും. ആദ്യഘട്ടത്തില് കണ്ട റെക്കോര്ഡ് പോളിംഗ് രണ്ടാംഘട്ടത്തിലും ആവര്ത്തിക്കുമെന്നാണ് കണക്ക് കൂട്ടല്.
ആദ്യഘട്ടത്തില് ചിലയിടത്ത് അക്രമ സംഭവങ്ങള് റിപ്പോര്ട്ട് ചെയ്തതിനാല് വന് സുരക്ഷാ വിന്യാസത്തിലാണ് വോട്ടെടുപ്പ്. ആദ്യഘട്ടത്തില് രേഖപ്പെടുത്തിയ 64.66 ശതമാനം റെക്കോര്ഡ് പോളിംഗ് ശതമാനം രണ്ടാംഘട്ടത്തിലും ആവര്ത്തിക്കുമെന്നാണ് തിരഞ്ഞെടുപ്പ് കമ്മീഷന്റെ കണക്കുകൂട്ടല്. പോളിംഗിന് പിന്നാലെ എക്സിറ്റ് പോള് ഫലങ്ങളും ഇന്ന് വൈകുന്നേരത്തോടെ പുറത്ത് വരും.
അതേസമയം, ബിഹാറിലെ തീവ്ര വോട്ടര്പട്ടിക പരിഷ്കരണത്തിനെതിരായ ഹര്ജികള് സുപ്രീം കോടതി ഇന്ന് പരിഗണിക്കും. ജസ്റ്റിസ് സൂര്യകാന്ത് അധ്യക്ഷനായ ബെഞ്ചാണ് ഹര്ജികള് പരിഗണിക്കുന്നത്.
Comments
No comments yet. Be the first to comment!
Leave a Comment