യൂത്ത് കോണ്ഗ്രസ് സംസ്ഥാന അധ്യക്ഷ പ്രഖ്യാപനം ഒരാഴ്ചയ്ക്കുള്ളില്. കേരളത്തിന്റെ ചുമതലയുള്ള യൂത്ത് കോണ്ഗ്രസ് അഖിലേന്ത്യ ജനറല് സെക്രട്ടറി ശ്രാവണ് റാവു കേരളത്തിലെ നേതാക്കളെ നേരിട്ട് കണ്ടു. കെ.എം അഭിജിത്ത്, അബിന് വര്ക്കി, ബിനു ചുള്ളിയില്, ഒ.ജെ ജനീഷ് എന്നിവര് പരിഗണനയില്. പ്രഖ്യാപനം ഈ മാസം പത്തിന് മുന്പ് നടത്തിയേക്കും.
പ്രതിപക്ഷ നേതാവ് രണ്ടു പേരുകള് നിര്ദ്ദേശിച്ചു. കെ.പി.സി.സി അധ്യക്ഷന് മൂന്നു പേരുകള് നിര്ദേശിച്ചു. ഒറ്റ പേര് മാത്രം രമേശ് ചെന്നിത്തല നിര്ദ്ദേശിച്ചു. അസ്വാരസ്യങ്ങള് ഇല്ലാതെ എല്ലാവരെയും ഒരുമിച്ചു കൊണ്ടുപോകാന് കഴിയുന്ന കരുത്തുറ്റ നേതൃത്വം വേണമെന്നാണ് പൊതുവികാരം. വൈസ് പ്രസിഡന്റ് അബിന് വര്ക്കിയെ അധ്യക്ഷന് ആക്കണമെന്ന ആവശ്യം ശക്തമാണ്.
കെഎസ്യുവിന്റെ മുന് സംസ്ഥാന അധ്യക്ഷന് കെഎം അഭിജിത്ത് ആണ് പരിഗണന പട്ടികയില് മുന്പന്തിയിലുള്ള മറ്റൊരാള്. രാഹുല് മാങ്കൂട്ടത്തിലിനൊപ്പം യൂത്ത് കോണ്ഗ്രസ് സംസ്ഥാന അധ്യക്ഷന് സ്ഥാനത്തേക്ക് എ ഗ്രൂപ്പ് പരിഗണിച്ചിരുന്ന പേരാണ് അഭിജിത്തിന്റേത്. നേരത്തെ യൂത്ത് കോണ്ഗ്രസിന്റെ സംസ്ഥാന അധ്യക്ഷസ്ഥാനത്തേക്ക് പരിഗണിക്കപ്പെട്ടിരുന്ന പേരുകളില് ഒന്നായിരുന്നു ബിനു ചുള്ളിയിലിന്റേത്. കെസി വേണുഗോപാലുമായുള്ള അടുപ്പം അധ്യക്ഷസ്ഥാനത്തേക്ക് എത്താന് സഹായകരമാകും എന്നാണ് ബിനു ക്യാമ്പിന്റെ ആത്മ വിശ്വാസം.
Comments
No comments yet. Be the first to comment!
Leave a Comment